राजकारण:मंत्री महाजन यांनी प्रचार केलेल्या‎ बेळगावात पाचच उमेदवार विजयी‎, 'कर्नाटकात कमी पडलो'- गिरीश महाजन

जळगाव‎ राज्याचे ग्रामविकासमंत्री भाजपचे ‎संकटमोचक गिरीश महाजन यांनी ‎कर्नाटक विधानसभा निवडणुकीत बेळगावातील १० उमेदवारांचा प्रचार केला. त्यापैकी सात उमेदवार‎ निवडून येणे अपेक्षित असताना‎ पाचच उमेदवार निवडून आले.‎ आम्ही कर्नाटकात कमी पडल्याचे‎ मंत्री महाजन यांनी सांगितले.‎

महाजनांनी प्रचार केलेल्या कोणत्या‎ जागा निवडून आल्या, हे मात्र त्यांनी‎ सांगितले नाही.‎ जिल्हा दूध संघात एका उद्घाटन‎ कार्यक्रमानिमित्त मंत्री महाजन आले‎ होते. त्यावेळी कर्नाटक निकालावर‎ त्यांनी प्रतिक्रिया दिली.

काय म्हणाले महाजन?

कर्नाटक‎ निकालात काँग्रेसने मुसंडी मारलेली‎ आहे. बहुमताने सत्तेत आली.‎ आम्हाला अपेक्षेप्रमाणे यश मिळाले‎ नाही. आम्ही तेथे कमी पडलो. त्या‎ संदर्भात राज्य भाजप, केंद्रीय नेते‎ मंथन करतील. आत्मपरीक्षण असे‎ म्हणता येणार नाही. अॅन्टी‎ इन्कबन्सीमुळे आम्ही तेथे हरलो‎ आहोत. कर्नाटकात द्वेषाचे दुकान‎ बंद झाले, प्रेमाचे दुकान सुरू‎ झाल्याच्या राहुल गांधी यांच्या‎ विधानावर मंत्री महाजन म्हणाले,‎ एखाद्या राज्यात काँग्रेस जिंकली‎ आहे. उत्तर प्रदेशात तुमचे प्रेम का‎ उतू आले नाही. बऱ्याच वर्षांनी‎ काँग्रेसला विजय मिळालेला‎ असल्याचे देखील मंत्री गिरीश‎ महाजन म्हणाले.‎

राऊत बेगाने शादी मे अब्दुल्ला‎ दिवाना

संजय राऊत यांनी‎ बजरंगबलीची गदा भाजपच्या‎ डोक्यावर पडली असे विधान‎ केल्याबाबत पत्रकारांनी त्यांना‎ विचारले. त्यावर राऊतांनी राज्यात‎ काहीतरी करून दाखवावे. तुम्ही‎ कुठे आहात, भविष्यात कोठे‎ राहाल, याचा शोध त्यांनी घ्यावा.‎ उगाच तोंडसुख घेत आहेत. बेगाने‎ शादीमे अब्दुल्ला दिवाना,‎ शेजाऱ्याला मुलगा झाला म्हणून पेढे‎ वाटायचे, तुमच्या घरात काय आहे.‎ तुम्ही तर वांझोटे आहात, तिकडे‎ लक्ष घालावे, अशी टीका देखील‎ मंत्री गिरीश महाजन यांनी केली.‎

एकनाथ खडसेंची कमालच वाटली‎

महागाई, भ्रष्टाचाराच्या विरोधात कर्नाटकच्या जनतेने कौल दिला असल्याची‎ प्रतिक्रिया राष्ट्रवादीचे नेते आमदार एकनाथ खडसे यांनी दिली. त्यावरही‎ महाजनांनी प्रत्युत्तर दिले. खडसे यांनी मुक्ताईनगरमध्ये बघावे. बाजार समिती‎ निवडणूक जिंकली तर पोकलॅनवर मिरवणूक काढतात. राज्यस्तरीय नेता‎ बाजार समिती निवडणूक जिंकल्यानंतर पोकलॅनवर लावून नाचला. मला तर‎ कमालच वाटली. तुम्ही तुमच्या मतदार संघापुरते बघा, असा सल्ला त्यांनी‎ खडसे यांना दिला.‎