मुदतवाढ:जिल्हा परिषदेचा अखर्चित निधी‎ खर्च, जमाखर्चाचा ताळमेळ घालण्यासाठी शासनाने दिली 21 एप्रिलपर्यंत मुदत

जळगाव जिल्हा परिषदेला उपलब्ध निधी खर्च करण्यासाठी तसेच जमाखर्चाचा ताळमेळ पूर्ण करण्यासाठी 21 एप्रील पर्यंतची मुदत दिली आहे. जिल्हा नियोजन‎ समितीकडून उपलब्ध झालेला निधी खर्च करण्याची‎ मुदत 31 मार्च पर्यंत होती. 106 कोटी‎ निधी अखर्चित होता. हा निधी परत जाण्याची भीती होती. मात्र, शासनाने जिल्हा परिषदेला मुदत वाढवून दिली आहे.

20 कोटी रुपयांची बिले

जळगाव जिल्हा परिषदेला जिल्हा नियोजन‎ समितीकडून उपलब्ध झालेला निधी खर्च करण्याची‎ मुदत 31 मार्च पर्यंत होती. त्यातच‎ फंड मॉनिटरिंग सिस्टिम पोर्टल‎ डाऊन असल्याने प्राप्त बिलांच्या‎ अनुषंगाने खर्च करण्याची गती‎ मंदावली होती.‎ सध्यस्थितीत जिल्हा परिषदेकडे 20 कोटी रुपयांची बिले प्राप्त झाली आहेत. बिले हातात असताना सिस्टीममध्ये टाकण्याचे राहून गेल्याने ही मुदतवाढ देण्यात आली आहे.

जिल्हा परिषदेचे मुख्य ‎ ‎कार्यकारी अधिकारी डॉ. पंकज आशिया यांनी शंभर टक्के निधी‎ खर्च करण्याबाबत सर्व विभागांना ‎‎ सूचना दिल्या होत्या. मार्च महिन्यापाच्या सुरूवातीपासून प्रत्येक आठवड्याच्या पहिल्याच दिवशी डॉ. आशिया विभागप्रमुखांच्या बैठकी घेत आहेत. ‎ मुख्य लेखा व वित्त अधिकारी‎ बाबुलाल पाटील यांनीही अर्थ ‎ विभागात कामाला गती दिली.‎

ऑनलाईन प्रणाली ठप्प

प्राप्त बिलांच्या अनुषंगाने उपलब्ध ‎ ‎निधी खर्च करून जमा व खर्चाचा‎ ताळमेळ बसवण्याचे काम अंतिम ‎टप्प्यात असतानाच ऑनलाईन प्रणाली ठप्प झाली होती. निधी परत जाण्याच्या मार्गावर असतानाच राज्य ‎शासनाने ६ एप्रिलला एक‎ परिपत्रक जारी करून जमा व‎ खर्चाचा ताळमेळ पूर्ण‎ करण्यासाठी २१ एप्रिलपर्यंत मुदत‎ दिली.

आता शिल्लक रुपये खर्च करण्यासाठी‎ वाढीव वेळ मिळाला आहे.‎ त्यामुळे जास्तीत जास्त निधी खर्च‎ करण्यासाठी अर्थ विभागात‎ धावपळ सुरू आहे.‎ जिल्हा परिषदेचे बांधकाम व लघुसिंचन विभागाची जास्त बिले प्राप्त झाली आहेत. आता वाढीव मुदतीत आणखी जास्त बिले तयार करुन पेमेंट वाटपाला गती मिळण्याची अपेक्षा व्यक्त केली जाते आहे.