हिंदू जनसंघर्षचा माेर्चा:लव्ह जिहाद, धर्मांतर बंदी कायद्यासाठी शहरात‎ हिंदू संघटना आक्रमक, मंत्रीही आंदाेलनस्थळी‎

लव्ह जिहाद, धर्मातर बंदी कायदा‎ राज्यासह देशभरात लागू करावा,‎ गोवंश हत्या बंदी कायद्याची कठोर‎ अंमलबजावणी करा, जैन बांधवांच्या‎ पवित्र धार्मिक स्थळ श्री सम्मेद‎ शिखरजी हे तीर्थक्षेत्र घोषित करा या‎ प्रमुख मागण्यांसाठी शनिवारी शिवतीर्थ‎ मैदानावरून हिंदू जनसंघर्ष मोर्चा‎ काढण्यात आला. मोर्चात विविध‎ सामाजिक, धार्मिक संघटना सहभागी‎ झाल्या.

भाजप, महाराष्ट्र नवनिर्माण‎ सेना व अन्य राजकीय संघटनांशी‎ संलग्न पदाधिकारी, कार्यकर्तेही‎ सहभागी झाले. मोर्चात सात हजारावर‎ नागरिक सहभागी झाल्याचा तर‎ पाेलिसांनी तीन हजार उपस्थितीचा‎ दावा केला. हिंदू जनजागृती समितीने‎ या मोर्चाचे नेतृत्व केले.‎ डोक्यावर भगव्या टोप्या, हातात‎ भगवे ध्वज घेऊन ‘हर हर महादेव’च्या ‎ ‎ गजरात शिवतीर्थ मैदानापासून मोर्चास सुरुवात झाली. हिंदू संस्कृतीचे‎ महत्व सांगणारा चित्ररथ अग्रभागी होता. पुरूषांबरोबरच‎ महिलांची संख्या उल्लेखनीय दिसून आली. रणरागिणी‎ महिला पथकासह कीर्तनकार, उद्योजक, संत, महंत,‎ धर्माचार्य, पुरोहित, राजकीय पक्षांचे कार्यकर्ते माेर्चात‎ सहभागी झाले. सकल जैन, माहेश्वरी सभा, बहुभाषिक‎ ब्राम्हण संघ, योग वेदांत समिती, स्वामी समर्थ संप्रदाय,‎ गायत्री परिवार, इस्कॉन, राष्ट्रीय स्वयंसेवक संघ, विश्व‎ हिंदू परिषद, बजरंगदल, राजपूत करणी सेना, हिंदू‎ विधीज्ञ परिषद, शिवप्रतिष्ठानसह अन्य विविध‎ संघटनांनी सहभाग नोंदवला.

जिल्हाधिकारी‎ कार्यालयासमोर झालेल्या सभेत पालकमंत्री गुलाबराव‎ पाटील यांनी मोर्चातील सर्व विषय मुख्यमंत्र्यापुढे मांडून‎ त्यावर निर्णय घेणार असल्याचे आश्वासन दिले.‎ वरसाडेकर महाराज, हिंदू जनजागृती समितीचे प्रदेश‎ संघटक सुनील घनवट, रणरागिणी शाखेच्या रागेश्री‎ देशपांडे, गोरक्षक संजय शर्मा ( धुळे), गणेशोत्सव‎ महामंडळाचे अध्यक्ष सचिन नारळे, अपूर्वा राका यांनी‎ मनोगत व्यक्त केले. सनातन संस्थेचे नंदकुमार जाधव,‎ स्वरुप लुंकड, संजीव शर्मा, प्रशांत जुवेकर यांनी मनोगत‎ व्यक्त केले. मागण्यांचे निवेदन निवासी जिल्हाधिकारी‎ राहुल पाटील यांना देण्यात आले. मोर्चासाठी एका‎ मार्गावरील वाहतूक वळवण्यात आली होती.‎ मला खुर्चीपेक्षा धर्म महत्त्वाचा...‎ काढण्यात आला. जिल्हाधिकारी कार्यालयासमोर मंत्री‎ पाटील यांनी संजय राऊतांसह विरोधकांवर निशाणा‎ साधला.

दाेन मागण्या पटलावर; मंत्र्यांकडून मिळाले आश्वासन‎
शनिवारी माेर्चेकऱ्यांनी केलेल्या मागण्यांचे निवेदन पालकमंत्री गुलाबराव पाटील यांनी‎ स्वीकारले. यावेळी पालकमंत्र्यांनी लव्ह जिहाद व धर्मांतर कायदा बनवण्याचा व गाेवंश‎ हत्या या दाेन मागण्या पटलावर असून त्या अधिवेशनात मंजूर हाेतील असे ते म्हणाले.‎

गाेवंश तस्करी : जिल्हा दाेन राज्य व चार‎ जिल्ह्यांच्या सीमेवर असल्याने जिल्ह्यातून माेठ्या‎ प्रमाणावर गाेवंश तस्करी हाेते. त्याच्या विराेधात‎ कायदा असून त्याची कठाेरपणे अंमलबजावणी‎ हाेत नाही. त्यात भुसावळहून नशिराबाद येथे‎ हाेणाऱ्या गाेवंश तस्करीबाबत पाेलिसांना हिंदू‎ जनजागृती समितीने निवेदन दिले आहे. असे प्रकार‎ महिन्यात किमान १५ ते २० वेळा हाेतात असा दावा‎ समितीचा आहे. गाेवंश सरंक्षणासाठी समिती नेमा.‎

समितीचे म्हणणे असे‎

लव्ह जिहादबद्दल स्वतंत्र कायदा नसल्याने याबाबत‎ जिल्ह्यात अशाप्रकारच्या गुन्ह्याची स्वतंत्र नाेंद‎ नाही. अनेकदा आंतरधर्मीय विवाह पालकांच्या‎ संमतीविना झालेले असताना पुढे काही प्रकरणात‎ त्याला कुटुंबाकडून मान्यता मिळते; परंतु त्रास‎ झाल्यास अशीच प्रकरणे पुढे येतात. त्यातही‎ काैटुंबिक अत्याचार या प्रकारातील गुन्हा दाखल‎ हाेतात . गेल्या वर्षी एका पाेलिस कर्मचाऱ्याच्या व‎ महिनाभरापूर्वी एका महिला पाेलिस कर्मचाऱ्यांच्या‎ पाल्याबाबतचे प्रकार समाेर आले नंतर ते मिटले.‎