माणुसकी:होमगार्डच्या सतर्कतेमुळे भरकटलेल्या वृद्ध मजुराची‎ 15 दिवसांनी कुटुंबीयांसोबत पुन्हा भेट‎

रोजगारानिमित्त उदगीर‎ (जि.लातूर) तालुक्यातून पुण्याला ‎ ‎ गेलेले गोपाळ रावण कोंघे (वय‎ ६५) हा अशिक्षित मजूर पंधरा ‎ ‎ दिवसांपूर्वी पुण्यात भरकटला. घर ‎ ‎ शोधत ते थेट रावेरला पोहोचले.‎ येथे त्यांची भेट होमगार्ड सुहास‎ चौधरी यांच्यासोबत झाल्यावर‎ घाबरलेल्या कोंघे यांनी वढोनाचा‎ रस्ता कोणता आहे? अशी‎ विचारणा केली. यानंतर चौधरींनी‎ सतर्कता दाखवल्याने कोंघे यांची‎ कुटुंबीयांसोबत पुन्हा भेट झाली.‎ भरकटलेल्या कोंघे यांच्यासोबत‎ भेट झाल्यावर होमगार्ड चौधरींनी‎ गृहरक्षक दलाचे समादेशक‎ कांतीलाल तायडे यांना माहिती‎ दिली. नंतर चौधरींनी गुगलवर‎ वढोना कुठे आहे? हे सर्च केले.‎ त्यात वढोना हे लातूर जिल्ह्यातील‎ उदगीर तालुक्यातील गाव‎ असल्याचे समजले. गुगल मॅपवर‎ वढोनात महेश किराणा दुकानाचे‎ लोकेशन मिळाले. यानंतर‎ चौधरींनी दुकानदाराशी संपर्क‎ साधून गोपाळ कोंघे या नावाच्या‎ व्यक्तीबद्दल विचारणा केली.‎

मोबाइलमध्ये फोटो काढून‎ दुकानदाराला पाठवला.‎ दुकानदाराने कोंघेचे छायाचित्र‎ गावातील सोशल मीडियाच्या‎ ग्रुपवर टाकताच पुण्यातील‎ कोंघेंच्या विनिता नावाच्या नातीने‎ फोटो ओळखला. नंतर रावेरात‎‎ होमगार्ड चौधरींना संपर्क करून‎ संबंधित व्यक्ती आपले आजोबा‎ आहेत. ते हरवल्याचे सांगितले.‎

कांतीलाल तायडे यांनी ही माहिती‎ पोलिस निरीक्षक कैलास नागरे‎ यांना कळवून नातेवाईक येईपर्यंत‎ कोंघेंना आपल्याकडे ठेवण्याची‎ परवानगी मागितली. उत्तम‎ चौधरी यांनी जेवणाचा डबा दिला.‎गोपाळ कोंघे यांना कुटुबियांकडे सोपवताना एपीआय शीतलकुमार नाईक, कांतीलाल तायडे, सुहास चौधरी ‎.‎ अन् गोपाळ कोंघे यांना‎ अश्रू झाले अनावर‎ सोमवारी सकाळी गोपाळ कोंघे‎ यांच्या पत्नी मंगलाबाई, मुलगी रेखा‎ व नातजावई परमेश्वर शिंदे रावेरात‎ आले. त्यांना पाहून गोपाळ कोंघे‎ यांना अश्रू अनावर झाले. कुटुंबकर्ता‎ सुखरूप असल्याचे पाहून पत्नी व‎ मुलगी गहिवरून गेल्या. नंतर‎ पोलिसांनी गोपाळ कोंघे यांना‎ कुटुंबीयांच्या ताब्यात दिले.‎ एपीआय शीतलकुमार नाईक,‎ होमगार्ड समादेशक कांतीलाल‎ तायडे, होमगार्ड सुहास चौधरी‎ उपस्थित होते. यावेळी रेखा यांनी‎ रावेरातून झालेल्या मदतीबद्दल‎ कृतज्ञता व्यक्त केली