तरुणाला अटक‎:शंभर, दाेनशेच्या बनावट नाेटांचा कारखाना‎ पकडला; लाेकांना वितरीत झाल्याची भीती‎

शंभर, दाेनशे व पाचशेच्या बनावट‎ नाेटा छापून त्या चलनात‎ आणण्याचा प्रयत्न करत असलेल्या‎ ३० वर्षिय तरुणाला पाेलिसांनी ‎ ‎ एमआयडीसीतील व्ही सेक्टरमधून‎ ९४९ नकली नाेटांसह ताब्यात घेतले‎ आहे. त्याच्या कुसुंबा येथील घरी‎ गुरुवारी पहाटे छापा टाकून नाेटा‎ छापण्यासाठी वापरलेले प्रिंटर व‎ काेरे पेपर व हिरव्या रंगाची शाई‎ असा मुद्देमाल जप्त केला आहे.‎ त्याला गुरुवारी न्यायालयात हजर‎ करण्यात आले असता सात‎ दिवसांची पाेलिस काेठडी मिळाली.‎ दरम्यान, या संशयितासाेबत बनावट‎ नाेटा वितरीत करणारी आंतरराज्यीय टाेळी असण्याची शक्यता पाेलिसांनी वर्तवली आहे.‎ मिळालेल्या माहितीवरून पाेलिसांनी सापळा रचून देवीदास पुंडलिक‎ आढाव (वय ३०, रा. कुसुंबा, ता. जि. जळगाव) याला पाेलिसांनी‎ एमआयडीसी व्ही-सेक्टरच्या गट नंबर ३१ मधील प्लांट नं. ६२ येथून ताब्यात‎ घेतले. त्याच्याकडून नकली नाेटा छापण्याचे साहित्य जप्त केले.

त्याच्या‎ विरुध्द पाेलिस काॅन्स्टेबल सचिन सुरेश साळुंखे यांच्या फिर्यादीवरून भादंवि‎ कलम ४८९ अ, ब, क, ड व इ अन्वये गुन्हा दाखल करण्यात आला. तपास‎ पीएसआय निलेश गाेसावी हे करीत आहेत. नकली नाेटांसह पकडलेला‎ संशयित देविदास आढाव याला गुरुवारी न्यायालयात हजर करून पुढील‎ तपासासाठी सात दिवसांच्या काेठडीची मागणी सरकारी वकील अॅड. स्वाती‎ निकम यांनी केली हाेती. काेर्टाने ती मान्य केली.

पाेलिसांनी संशयिताच्या‎ घरून ९४९ नकली नाेटांसह भारतीय चलनाच्या पाचशे रुपयांच्या पंटरजवळ‎ सापळ्यासाठी दिलेल्या दाेन खऱ्या नाेटा, ४० हजार रुपये किंमतीची काळ्या‎ रंगाची बजाज प्लसर, क्रं.एमएच १९-डीयू १२०३, एक ए-४ साइजचा काेऱ्या‎ कागदाचा पेपर रिम, हिरव्या रंगाची चमक असलेली चिकटपट्टी टेप असा‎ एकूण ४६ हजार रुपयांचा एेवज जप्त केला आहे. धागेदाेरे शाेधण्याचे‎ आव्हान बनावट नाेटांसह सापडलेल्या संशयिताकडे आणखी नकली‎ नाेटा असण्याची शक्यता पाेलिसांना आहे. संशयिताने या नाेटा‎ काेणाकाेणाला वितरीत केल्या, संशयिताचे आणखी साथीदार आहेत काय,‎ नकली नाेटा बाजारात आणणारी आंतरराज्य रॅकेट तर नाही ना? याचा शाेध‎ घेण्याचे पाेलिसांसमाेर माेठे आव्हान आहे.

पाेलिसांनी माेठ्या प्रमाणावर‎ नकली नाेटा जप्त केल्या आहेत. त्या कमी मूल्य किंमतीच्या वेगवेगळ्या‎ सीरीजच्या आहेत. तसेच संशयितासह रॅकेटने बाजारपेठेत अगाेदरच वितरीत‎ केल्या असण्याची शक्यता आहे. अशा नकली नाेटांद्वारे जर काेणाची‎ फसवणूक झाली असेल तर अशा नाेटा अर्जासह पाेलिसात जमा कराव्या‎ असे आवाहन पाेलिसांनी केले आहे.‎

..तर जन्मठेपेची शिक्षा : संशयिताविरुद्ध भादंवि कलम ४८९ अ, ब,‎ आणि ड या तीन कलमान्वये गुन्हा सिद्ध झाल्यास प्रत्येकासाठी संशयिताला‎ मरेपर्यंत जन्मठेप हाेऊ शकते. तर ४८९ क अन्वये ७ वर्ष आणि तर ई अन्वये‎ एनसी दाखल हाेईल.‎‎

पाेलिसांनी जप्त केेलेल्या बनावट नाेटा.‎
शंभर रुपयांच्या 7EP 911460, 7FM‎ 830284, 5UP636237 व 7AD‎ 810727 याचार सीरीजच्या २४५ तर दाेनशे‎ रुपयांच्या 7 FC 882887, 1FH 620050,‎ 7FC882839, 5Fk250736, 7FC‎ 882889, 0NA189251, 7AD 132958,‎ 7FC 882224, 7FC 882225, 7BF‎ 910396 व 5FK 250786 या सीरीजच्या‎ ६९२ नाेटा, पाचशे रुपयांच्या 2HN 257539,‎ 1WF 744278 या सीरीजच्या दहाअशा‎ एकूण ९४९ बनावट नाेटा जप्त केल्या.‎

सीसीटीव्ही फुटेेजची तपासणी‎
संशयिताला पाेलिसांनी प्राथमिक‎ विचारपुस केली असता त्याने आपण‎ एकटेच यू-ट्युबवरील व्हीडीआे पाहून‎ नकली नाेटा बनवत असल्याचे पाेलिसांना‎ सांगितले. ताे महिन्याभरापासून हे काम‎ करीत असल्याचे सांगितले. दरम्यान, त्याने‎ घरात अनेक चैनीच्या वस्तू खरेदी केल्या‎ आहेत. त्यासाठी याच नाेटा दिलेल्या‎ असल्याचा पाेलिसांना संशय आहे. त्याने‎ घरात सीसीटीव्ही कॅमेरे लावले आहेत.‎ त्याने आपल्या साेबत काेणीच नसल्याचे‎ सांगितले. १० ते १५ हजार रुपयांत एक‎ लाख रुपये वाटल्याचे सांगितले. ताे अनेक‎ महिन्यांपासून हा उद्याेग करीत असल्याचा‎ संशय आहे. त्याचे बँक खाते, काॅल रेकाॅर्ड‎ व सीसीटीव्ही फुटेज पाेलिस तपासताहेत.‎