रस्ता काँक्रिटीकरण लांबणार‎:अतिक्रमण हटवले नाही तर‎ रस्ता काँक्रिटीकरण लांबणार‎

बहुप्रतीक्षित आणि वर्दळीच्या‎ इच्छादेवी-डीमार्ट या अडीचशे मीटर‎ लांबीच्या रस्त्याचे काँक्रिटीकरण हाती‎ घेण्यात आले आहे. त्याच्या उजव्या बाजूचे‎ काम शनिवारी पूर्ण झाले. येत्या १ मार्चनंतर ती ‎बाजू वापरासाठी खुली हाेईल. मात्र, डाव्या ‎बाजूचे काम जाेपर्यंत अतिक्रमण काढले जात ‎नाही ताेपर्यंत सुरू हाेणे शक्य नाही. त्यामुळे‎ हा भाग साेडून पुढचे काम हाती घ्यावे लागेल, ‎असे संकेत मक्तेदाराने दिले आहेत.

अर्थात,‎ या रस्त्याच्या कामाचे भवितव्य आता‎ महापालिकेच्या भूमिकेवरच अवलंबून आहेे.‎ दाटवस्तीचे अतिक्रमण महापालिकेने‎ हटवून दिले तरच या बाजूचा रस्ता ३१‎ मार्चपर्यंत पूर्ण हाेणे शक्य आहे. त्याचप्रमाणे‎ या पुढील डीमार्ट चाैकातून शहराला‎ पाणीपुरवठा करणारी वाघूर धरणाची मुख्य‎ जलवाहिनी गेली असून ती वारंवार फुटत‎ असल्याने त्याबाबत पालिकेने ना हरकत पत्र‎ दिले तरच या चाैकात काँक्रीटचे काम हाेणार‎ आहे.

अन्यथा, येथे डांबरीकरण करण्यात‎ येणार आहे. इच्छादेवी ते शिरसाेली रस्त्यावर‎ रायसाेनी इन्स्टिट्यूटच्या अलीकडेपर्यंतचा‎ सुमारे ३७०० मीटर लांबीच्या रस्त्याचे‎ डांबरीकरणाचे काम सार्वजनिक बांधकाम‎ विभाग मक्तेदाराच्या माध्यमातून करत आहे.‎ वर्षभराची मुदत असलेल्या या मार्गावर‎ इच्छादेवी ते डीमार्ट पुढील चाैक (माेहाडी‎ फाट्यापर्यंत) हा सुमारे साडेतीनशे मीटर‎ अंतराचा रस्ता आहे.

अतिक्रमण हटवल्यावर काम‎
शहरातील इच्छादेवी ते डीमार्ट या‎ वर्दळीच्या रस्त्याचे एका बाजूचे‎ काँक्रिटीकरणाचे काम मक्तेदाराकडून‎ करण्यात आले आहे. दुसऱ्या बाजूला‎ असलेले अतिक्रमण महापालिका प्रशासनाने‎ काढून दिल्यानंतरच या ठिकाणी पुढील काम‎ मार्गी लागू शकणार आहे.‎ -गिरीश सूर्यवंशी, अभियंता, साइट‎ इन्चार्ज, सार्वजनिक बांधकाम विभाग‎