आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सावधगिरीच्या टिप्स:फसवणुकीच्या तक्रारीनंतर बँकेने फंड‎ हाेल्ड केल्यास 72 तासांत मिळताे पैसा‎

जळगाव‎25 दिवसांपूर्वी
  • कॉपी लिंक

काळाची गरज व अत्याधुनिक‎ तंत्रज्ञानाचा वापर म्हणून ऑनलाइन‎ आर्थिक व्यवहाराचे प्रमाण वाढले‎ आहे. तसे फसवणुकीचे प्रकार देखील‎ वाढले आहे. असे व्यवहार करताना‎ किंवा माहिती देताना स्मार्ट बँकिंग‎ बरोबर सेफ बँकिंग म्हणजे काळजी‎ घेणे महत्त्वाचे आहे. फसवणूक‎ झाल्यानंतर काय करावे याबाबत काही‎ सूचत नाही. अशा वेळी नागरिकांनी ‎घाबरून न जाता २४ तासांच्या आत‎ आपले खाते असलेल्या बँकेत शाखेत ‎किंवा सायबर क्राइममध्ये लेखी तक्रार ‎ ‎ करावी. या तक्रारीनंतर बँकेने तत्काळ‎ फंड हाेल्ड केल्यास कमीत कमी ७२ ‎तासांच्या आत फसवणूक झालेल्या ‎ ‎ व्यक्तीस आपले पैसे परत मिळण्याची ‎ ‎ शक्यता अधिक असते. त्यामुळे ‎फसवणुकीनंतर नागरिकांनी तक्रार‎ करणे गरजेचे असल्याचा माेलाचा‎ सल्ला बँकिंग तज्ज्ञ जितेंद्र बरडे यांनी‎ जळगावरांना दिला.‎

रोटरी जळगाव वेस्टतर्फे रोटरी‎ भवनमध्ये ‘स्मार्ट बँकिंग सेफ बँकिंग''‎ या विषयावर जितेंद्र बरडे यांचे‎ व्याख्यान नुकतेच झाले. यात त्यांनी‎ विविध स्लाइडच्या माध्यमातून‎ फसवणूक झाल्यास काय केले पाहिजे‎ व सावधगिरी म्हणून काय काळजी‎ घेतली पाहिजे यावर मार्गदर्शन केले.‎ या वेळी प्रेसिडेंट इलेक्ट मनोज जोशी,‎ मानद सचिव गिरीश कुलकर्णी,‎ वेस्टच्या प्रेसिडेंट इलेक्ट सरिता‎ खाचणे, विवेक काबरा उपस्थित होते.‎

ऑनलाइन खरेदीसाठी पेमेंट वॉलेट वापरा‎
ऑनलाइन फसवणुकीतून पैसे, डेबिट/क्रेडिट कार्ड‎ तपशील, कालबाह्यता तारीख, सीव्हीव्ही पिन व‎ ओटीपी फोन/ईमेल/व्हॉट्सअॅप लिंक शेअर करू नका.‎ कोणतीही लिंक उघडू नका किंवा अज्ञात व्यक्तीने‎ शेअर केलेला क्यूआर कोड स्कॅन करू नका.‎

नागरिकांनाे, फसवणूक झाल्यास न घाबरता हे करा‎
आपली फसवणूक झाल्यास डेबिट‎ संदेश काळजीपूर्वक वाचा, जर‎ तुमच्याकडून संशयास्पद व्यवहार‎ झाला नसेल तर बँकेच्या कस्टमर‎ केअर नंबरवर कॉल करा आणि‎ अकाउंट, डेबिट/क्रेडिट कार्ड त्वरित‎ ब्लॉक करा. बँकेच्या सेवा हेल्प‎ डेस्कवर ई-मेल करा. तसेच बँक खाते‎ असलेल्या शाखेला सूचना देत लेखी‎ तक्रार करून पोहोच पावती घ्या.‎ पोलिस स्टेशनच्या सायबर गुन्हे‎ अन्वेषण शाखेत बँकेची पावती‎ दाखवून तक्रार नोंदवावी.‎ तसेचwww.cyberc‎ rime.gov.inवर ऑनलाइन तक्रार‎ नोंदवता येते. तक्रारीनंतर बँक व‎ पोलिस स्टेशनकडे नियमित पाठपुरावा‎ करत राहण्याचाही सल्ला त्यांनी दिला.‎

अशी केली जाते ऑनलाइन फसवणूक‎
केवायसी अपडेट, सीम कार्ड ब्लॉक होणे, वीज बिल न‎ भरल्यामुळे विद्युत पुरवठा बंद करण्याचे संदेश, क्रेडिट कार्ड‎ अपग्रेड, इन्शुरन्स पॉलिसीवर बोनस, केबीसी लॉटरी,‎ आयटी रिटर्न, लोन अॅप, विदेशातील नोकऱ्या,‎ विवाहविषयक साइट्स, एटीएम सेंटरवर कार्ड बदलवणे‎ आदी प्रकारे नागरिकांची फसवणूक होते.‎

बातम्या आणखी आहेत...