दिव्य मराठी विशेष:जळगावात प्लाॅगर्स ग्रुपचे दर रविवारी स्वच्छता अभियान,‎ वर्षभरात 50 सार्वजनिक ठिकाणे, चाैकांत वेचला कचरा‎

प्लास्टिकमुक्त शहर या‎ संकल्पनेला चालना देण्यासाठी‎ राज्यात विविध शहरात ‘प्लाॅगिंग‎ माेहीम’ राबवली जाते आहे.‎ जळगावातही ‘प्लाॅगर्स’ ग्रुपची‎ स्थापना वर्षभरापूर्वी तीन तरुणांनी‎ केली. आजमितीला सदस्यांचा हा‎ आकडा दीडशेपेक्षा अधिक झाला‎ आहे. त्यांनी वर्षभर दर रविवारी‎ ही माेहीम राबवली. त्यात ५०‎ सार्वजनिक ठिकाणे, चाैकांत‎ पडलेला प्लास्टिक कचरा वेचला.‎ त्यांच्या या कृतीचे अवलाेकन‎ आता इतर लाेक करताहेत.‎ ‘जळगाव प्लाॅगर्स’ या नावाने ग्रुप‎ चेतना जैन, शुभम वाणी, प्रसाद‎ पाटील या युवकांनी २२ फेब्रुवारी‎ २०२२ रोजी तयार केला. मेहरूण‎ तलावावर सर्वप्रथम हे स्वच्छता‎ अभियान राबवले. हळूहळू‎ युवक-युवती या ग्रुपला जुळले.‎ दर रविवारी न चुकता ठरलेल्या‎ ठिकाणी ग्रुपचे सदस्य एकत्र‎ येतात. जाते आहे. आजपर्यंत या‎ ग्रुपने जळगाव शहराची आेळख‎ असलेला मेहरूण तलाव, रेल्वे‎ स्टेशन, बसस्थानक, नेहरू पुतळा‎ परिसर, शिवतीर्थ मैदान,‎ आकाशवाणी चौक व गर्दीच्या‎ ठिकाणी हे अभियान राबवले.‎

प्लाॅगिंग म्हणजे काय? : जाॅगिंग करताना परिसरात आढळणाऱ्या‎ प्लास्टिक कचऱ्याचे संकलन करणे, तसेच या कचऱ्याला पुढील प्रक्रियेसाठी‎ महापालिकेची यंत्रणा असेल तर त्यांच्याकडे देणे म्हणजेच प्लाॅगिंग हाेय.‎ प्लास्टिक कचरा संकलनाच्या प्रक्रियेला ‘प्लाॅगिंग ड्राइव्ह’ म्हटले जाते.‎

नेतृत्वगुण विकसित हाेणार‎
अभियानासाठी दर रविवारी जागा‎ निश्चित करणे, त्या संबंधीची‎ माहिती सदस्यांना देणे यासाठीचे‎ नेतृत्व प्रत्येक सदस्यांकडे दिले जाते.‎ त्यांच्या या कार्याची व्याप्ती वाढत‎ असल्याने विविध महाविद्यालये,‎ स्वयंसेवी संस्था, संघटनांकडून‎ त्यांना विविध अभियानात सहभागी‎ करून घेतले जात आहे. वर्षभरात‎ एकही रविवार या उपक्रमात खंड‎ पडू दिला नसल्याचे या ग्रुपच्या‎ सदस्यांकडून प्रातिनिधिक स्वरूपात‎ संवाद साधताना सांगण्यात आले.‎