आढावा बैठक:विद्यापीठस्तरीय आविष्कार‎ स्पर्धेचे शुक्रवारी उद‌्घाटन‎

कवयित्री बहिणाबाई चौधरी उत्तर महाराष्ट्र ‎ ‎ विद्यापीठाची विद्यापीठस्तरीय आविष्कार‎ संशोधन स्पर्धा ११ व १२ नोव्हेंबर रोजी होत‎ आहे. त्यात २८८ मॉडेल्स व पोस्टर्स‎ सादरीकरण केले जाणार आहे. या स्पर्धेची‎ तयार पूर्ण झाली आहे. सोमवारी कुलगुरु प्रा.‎ डाॅ. व्ही. एल. माहेश्वरी यांनी स्पर्धेच्या‎ तयारीचा आढावा घेतला.

प्र-कुलगुरु प्रा. एस.‎ टी. इंगळे, कुलसचिव डॉ. विनोद पाटील व‎ समित्यांचे समन्वयक उपस्थित होते.‎ गेल्या महिन्यात जिल्हास्तरीय आविष्कार‎ संशोधन स्पर्धा झाली. या स्पर्धेतून निवडण्यात‎ आलेले स्पर्धक आता विद्यापीठस्तरीय‎ आविष्कारमध्ये सहभागी होणार आहेत. ४४५‎ विद्यार्थ्यांद्वारे २८८ मॉडेल्स व पोस्टर्सचे‎ सादरीकरण या दोन दिवसीय महोत्सवात‎‎ हाेईल.

या स्पर्धेत २५४ विद्यार्थिनी व १९१‎ विद्यार्थी सहभागी होणार आहेत. शेती आणि‎ पशूपालन या विषयात ३४ तर वाणिज्य व‎ व्यवस्थापन आणि विधी ३२, अभियांत्रिकी व‎ तंत्रज्ञान विषयात ३०, मानव्य विद्या भाषा आणि‎ ललितकला विषयात ६०, औषधीनिर्माण‎ विषयात ४४ आणि निव्वळ विज्ञान विषयात‎ ८८ अशा एकूण २८८ प्रवेशिका स्पर्धेत आहेत.‎

शनिवारी पारिताेषिक वितरण
‎स्पर्धेचे उदघाटन शुक्रवारी सकाळी १०‎ वाजता जिल्हाधिकारी अमन मित्तल यांच्या‎ हस्ते होईल. विद्यापीठाच्या दीक्षांत‎ सभागृहात दिवसभर आपल्या पोस्टर व‎ मॉडेल्सचे सादरीकरण विद्यार्थी‎ करतील.शनिवारी दुपारी ४ वाजता या‎ स्पर्धेचे पारितोषिक वितरण होईल.‎