‎सामाजिक:काेळी समाज मेळाव्यात 48 जणांचा‎ परिचय, पाच रेशीमगाठी जुळणे शक्य‎

आदिवासी कोळी सेनेतर्फे रविवारी‎ ऑटोनगरातील मंगलम लॉनमध्ये‎ झालेल्या कोळी समाजातील‎ विवाहेच्छुक वधू-वर परिचय‎ मेळाव्यात ४८ युवक-युवतींनी परिचय‎ करून दिला. त्यात ५ विवाह‎ जुळण्याच्या मार्गावर असल्याचे‎ आयोजकांनी सांगितले. समाजातील‎ महिला पदाधिकारी व सदस्यांनी या‎ संपूर्ण मेळाव्याचे आयोजन केले होते.‎ मेळाव्यास विविध घटकातील‎ महिला प्रमुख पाहुण्या होत्या. समाज‎ पदाधिकाऱ्यांचीही उपस्थिती होती.‎

महापौर जयश्री महाजन, सामाजिक‎ कार्यकर्त्या निशा पवार, टीव्ही स्टार‎ रूपाली घायके-तायडे, आदिवासी‎ काेळी सेनेच्या राष्ट्रीय महिला‎ उपाध्यक्षा शारदा महाले, राष्ट्रीय‎ अध्यक्ष भीमराव कोळी, हिरामणी‎ पुरिया, नगरसेविका नीता सोनवणे‎ आदी उपस्थित होत्या.

आदिवासी‎ कोळी समाजातील महिलांच्या‎ शिक्षणाचे प्रमाण वाढवण्यासह‎ महिलांनी सर्व क्षेत्रात पुढे येण्याची‎ गरज व्यक्त करण्यात आली. कलावंत‎ रूपाली घायके-तायडे यांनी योग्य‎ जोडीदार निवडण्याविषयी मार्गदर्शन‎ केलेे. केवळ नोकरदार जोडीदाराची‎ अपेक्षा न करता, व्यावसायिक,‎ शेतकरी अशा अनुरूप जोडीदाराचीही‎ निवड करावी, असेही नमूद केले.‎

पदाधिकाऱ्यांचा केला सन्मान : मेळाव्यासाठी नोंदणीसह आयोजनाची जबाबदारीही महिलांनी पूर्ण केल्याने‎ पदाधिकारी व सदस्यांचा सन्मान करण्यात आला. उपाध्यक्षा शारदा महाले यांनी सेनेच्या विविध कार्याची माहिती दिली.‎ समाजाच्या कार्यात महिलांचा सहभाग ‌वाढवण्याचे आवाहन येथे केले. व्यासपीठावर राजमाला सपकाळे, गणेश‎ साळुंखे,संजय कोळी, सुनील कोळी आदी उपस्थित होते. रेखा धम्मरत्न यांनी सूत्रसंचालन केले. शोभा तायडे, अनिता‎ सपकाळे, चारुशीला सोनवणे, रजनी तायडे यांनी नियोजन केले. सूत्रबद्ध नियाेजनाचे मान्यवरांनी काैतुक केले.‎

आयाेजनाचा आला अनुभव‎
मेळाव्याचे आयाेजन, नियाेजनाची जबाबदारी‎ महिलांकडे देण्यात आली हाेती. त्यातून वेळ,‎ जनसंपर्क, संवादकाैशल्य या गाेष्टी शिकायला‎ मिळाल्या अशी भावना आयाेजन समितीत‎ सहभागी महिलांनी प्रातिनिधिक स्वरूपात व्यक्त‎ केली. आगामी काळात या उपक्रमाला व्यापक‎ स्वरूप देण्यात येणार असल्याची ग्वाही‎ आदिवासी काेळी सेनेच्या पदाधिकाऱ्यांनी दिली.