राजकारण:भाजपत आता तीन जिल्हाध्यक्षांसाठी‎ पात्र असलेल्या उमेदवारांचा शोध सुरू‎, इच्छुकांना राज्यात‎ घेतल्याने अडचण‎

जळगाव‎ भारतीय जनता पक्षाच्या जम्बो प्रदेश ‎कार्यकारिणीच्या घोषणेनंतर‎ जिल्ह्यात दोन ऐवजी आता तीन‎ जिल्हाध्यक्षांची नेमणूक होण्याचे‎ वेध स्थानिक कार्यकर्त्यांना लागले‎ आहेत. मात्र, पक्षाची वाढलेली‎ कामे आणि त्यांचा काॅर्पोरेट पद्धतीने‎ वरून होत असलेला पाठपुरावा,‎ त्याला द्यावी लागणारी आर्थिक‎ जोड लक्षात घेऊन शहर आणि‎ ग्रामीण जिल्हाध्यक्ष पदाची‎ जबाबदारी स्वीकारायला फारसे‎ कोणी तयार नसल्याचे सांगण्यात‎ येते आहे.

ज्यांनी ही जबाबदारी‎ उत्साहाने स्वीकारली असती, वेळ‎ आणि पैसाही दिला असता त्या‎ प्रमुख इच्छुकांची प्रदेश‎ कार्यकारिणीत वर्णी लावली‎ गेल्यामुळे आता नवे चेहरे समोर‎ आणण्याशिवाय पर्याय राहिलेला‎ दिसत नाही.‎ जळगाव जिल्ह्यात महानगर‎ जिल्हाध्यक्ष, रावेर लोकसभा‎ जिल्हाध्यक्ष आणि जळगाव‎ लोकसभा जिल्हाध्यक्ष असे तीन‎ जिल्हाध्यक्ष या वेळी पहिल्यांदाच‎ नेमले जातील, असे सांगण्यात येते‎ आहे.

आतापर्यंत महानगर‎ जिल्हाध्यक्ष आणि ग्रामीण‎ जिल्हाध्यक्ष अशी दोनच पदे होती.‎ त्या पदांवर ज्यांना संधी दिली जाईल‎ असे वाटत होते. त्यात महानगरातून डाॅ. राध्येशाम चौधरी यांना प्रदेश कार्यकारिणी‎ सदस्य व ग्रामीण जिल्हाध्यक्ष पदासाठी ज्या इच्छुक असल्याचे‎ सांगितले जात होते त्या माजी आमदार स्मिता वाघ व अजय‎ भाेळे या दोघांनाही प्रदेश कार्यकारिणीत उपाध्यक्ष आणि सचिव‎ करण्यात आले आहे.

शहराचे आमदार सुरेश भोळे ग्रामीणचे‎ जिल्हाध्यक्ष म्हणून कार्यरत आहेत. पण यापुढे आमदारांना‎ संघटनात्मक कामांत अडकवायचे नाही, असा निर्णय झाल्याचे‎ सांगण्यात येते आहे. त्यामुळे आमदार भोळे हे त्यांच्या‎ मतदारसंघाचे समन्वयक म्हणून नेमले जाऊ शकतात. मग‎ महानगराध्यक्ष कोण, याबाबत नुसतेच तर्क केले जात आहेत.‎

कार्यकर्त्यांत उत्सुकता वाढत चालली‎

आगामी काळात पक्षासाठी पूर्ण वेळ देणारी, संघटनात्मक आणि राजकीय‎ अनुभव असलेली, पक्षामार्फत हाेणारे कार्यक्रम प्रभावीपणे राबवण्यासाठी‎ आर्थिक पाठबळ असलेली व्यक्तीच या पदांवर येईल, हे निश्चित. कोण‎ कोण या जबाबदाऱ्या स्वीकारते, या विषयी कार्यकर्त्यांत उत्सुकता अाहे.‎