बसस्थानक, विभागीय कार्यालयाची पुनर्बांधणी:एकूण 32 कोटींचा सुधारित प्रस्ताव, वाचा जिल्ह्यात कुठे कसा निधी?

जळगाव बसस्थानक, विभागीय कार्यालयाची पुनर्बांधणी केली जाणार आहे. तसेच आगार व विभागीय कार्यशाळेचे नूतननीकरण, काँक्रिटीकरणही केले जाणार आहे. यात जळगाव मध्यवर्ती बसस्थानक व विभागीय कार्यालयाच्या पुनर्बांधणीसाठी १८ कोटी रुपये जळगाव आगार नूतनीकरण व काँक्रिटीकरणासाठी ६ कोटी तर विभागीय कार्याशाळा नूतननीकरण व काँक्रिटीकरणासाठी ८ कोटींचा सुधारित प्रस्ताव प्रशासकीय मंजुरीसाठी मुंबई कार्यालयाकडे पाठवण्यात आला आहे.

जळगाव विभागात लवकरच एसटीच्या ताफ्यात २२१ इलेक्ट्रिक बस येणार आहे. तर इतर १० साध्या गाड्यादेखील येत आहेत. त्यातच महिला सन्मान योजना, ज्येष्ठ नागरिक तिकीट सवलत यासह विविध योजनांमुळे एसटीच्या प्रवासी संख्येत दिवसेंदिवस वाढ होत असल्याने जळगाव बसस्थानकाची जागा अपूर्ण पडत आहे. त्यामुळे मध्यवर्ती बसस्थानकासह विभागीय कार्यालयाची पुनर्बांधणी केजी जाणार आहे.

हे आदेश आल्यानंतर विभागीय कार्यालय हे कॅन्टीनच्या जागेत हलवले जाणार आहे. तसेच विभागीय कार्यशाळेचे नूतनीकरणासह काँक्रिटीकरण केले जाणार आहे. या सर्व कामांमुळे या परिसरातचा कायापालट होऊन प्रवाशांना अजून चांगली सेवा मिळण्यास मदत होणार आहे.आगार व बसस्थानकातील कामांचे प्रस्ताव मुंबई कार्यालयाकडे प्रशासकीय मंजुरीसाठी पाठवण्यात आले आहेत.

या आगार व स्थानकांतही होणार कामे

बसस्थानक, आगार, वाहनतळ सुधारणार

''जिल्ह्यातील बसस्थानक, आगार, वाहनतळ कामांचा सुधारित प्रस्ताव प्रशासकीय मंजुरीसाठी मुंबई कार्यालयाकडे पाठवला आहे. मंजुरी मिळाल्यानंतर प्रत्यक्ष कामांना सुरुवात होईल. यात बसस्थनक, आगार व वाहनतळ अशा कोणत्या कामाला मंजुरी मिळाली आहे. त्यानुसार कामाला सुरुवात होईल.''- भगवान जगनोर, विभाग नियंत्रक