180 प्रश्नांसाठी 720 गुण:जळगाव जिल्ह्यात 13 केंद्रांवर 6 हजार‎ विद्यार्थी उद्या देणार ‘नीट’ परीक्षा‎, देशभरात ‎एकाचवेळी पार पडणार

जेईई मेन परीक्षेचा निकाल जाहीर झाल्यानंतर ‎ आता नॅशनल टेस्टिंग एजन्सीतर्फे वैद्यकीय ‎ ‎ अभ्यासक्रमांच्या प्रवेशासाठी अनिवार्य‎ असलेली नॅशनल एलिजिबिलिटी एन्ट्रन्स‎ टेस्ट (नीट) ही प्रवेश परीक्षा रविवारी घेतली ‎ ‎ जाणार आहे.

जळगाव जिल्ह्यातील १३ परीक्षा ‎ ‎ केंद्रांवर ६ हजार ४ विद्यार्थी प्रविष्ठ होणार‎ आहेत. नीट परीक्षा मराठी, हिंदी व इंग्रजीसह‎ १३ भाषांत होईल.‎ नीट परीक्षा ऑफलाइन पद्धतीने होणार‎ असून देशभरातील विविध शहरांतील केंद्रांवर ‎ ‎एकाचवेळी ही परीक्षा होणार आहे.

या‎ परीक्षेसाठी लाखो विद्यार्थी प्रविष्ठ होणार‎ असल्याने परीक्षेच्या पार्श्वभूमीवर विशेष‎ खबरदारी घेतली जाणार आहेत. परीक्षा केंद्रात‎ जाण्यापूर्वी मेटल डिटेक्टरद्वारे विद्यार्थ्यांची‎ तपासणी झाल्यानंतर प्रवेश दिला जाईल.‎ तसेच विद्यार्थ्यांना कोणतेही इलेक्ट्राॅनिक‎ साहित्य घेऊन जाण्यास बंदी असेल. सकाळी‎ ११.३० वाजेपर्यंत विद्यार्थ्यांनी परीक्षा केंद्रावर‎ उपस्थित राहावे, अशाही सूचना देण्यात‎ आल्या आहेत.‎

वैद्यकीय अभ्यासक्रमातील एमबीबीएस,‎ बीडीएस, बीएएमएस, बीएसएमएस,‎ बीयूएमएस आणि बीएचएमएस या‎ अभ्यासक्रमांच्या प्रवेशासाठी संयुक्तरित्या‎ नीट परीक्षा घेतली जाते. नॅशनल टेस्टिंग‎ एजन्सीतर्फे अखिल भारतीय स्तरावरील‎ महत्वांच्या परीक्षांचे अायोजन केले जाते.‎ इंजिनिअरिंग प्रवेशासाठी जेईई मेन परीक्षेचा‎ पहिला व दुसरा टप्पा घेण्यात आल्यानंतर या‎ परीक्षेचा निकालही नुकताच जाहीर झाला.‎ जेईई मेन झाल्यानंतर लाखो विद्यार्थ्यांचे लक्ष‎ नीट परीक्षेकडे लागले आहे.

नीट परीक्षेचे‎ वेळापत्रकासह अभ्यासक्रम, पात्रता, परीक्षा‎ केंद्र या विषयीची सर्व माहिती‎ https://neet.nta.nic .in या‎ संकेतस्थळावर उपलब्ध करून देण्यात अाली‎ अाहे. परीक्षेसाठी हाॅलतिकीट एनटीएच्या‎ संकेतस्थळावर उपलब्ध करून देण्यात आले‎ आहे. परीक्षेची तयारी पूर्ण झालेली अाहे.‎

१८० प्रश्नांसाठी ७२० गुण, ३‎ तास २० मिनिटांचा अाहे वेळ‎ वैद्यकीय पदवी अभ्यासक्रमांतील प्रथम वर्ष‎ प्रवेशासाठी नीट परीक्षा अनिवार्य आहे. नीट‎ परीक्षा लेखी स्वरूपात घेतली जाते. दुपारी २‎ ते ५.२० या वेळेत नीट परीक्षा होईल. या‎ परीक्षेत बायोलॉजी, फिजिक्स, केमिस्ट्री या‎ तीन विषयांवर एकूण १८० प्रश्न विचारले‎ जातील. एकूण ७२० गुणांसाठी परीक्षा होईल.‎ एमसीक्यू पद्धतीने विभाग ‘ए’ अाणि ‘बी’‎ अशा दोन सत्रात प्रश्नांची विभागणी असेल.‎