जळगाव आरटीई प्रवेश प्रक्रिया:दुसऱ्या प्रतीक्षा यादीतील विद्यार्थ्यांना प्रवेशासाठी 28 जूनपर्यंत मुदतवाढ

मोफत शिक्षणाचा अधिकार अर्थात आरटीई या योजनेनुसार 25 टक्के प्रवेश अंतर्गत2022-2023 वर्षांकरिता 165 जागांसाठी दुसरी प्रतीक्षा यादी जाहीर करण्यात आली असून विद्यार्थ्यांना 21 जून पर्यंत प्रवेशाची मुदत देण्यात आली होती मात्र 46 विद्यार्थ्यांचेच प्रवेश निश्चित झाल्याने आता प्रवेशासाठी 28 जूनपर्यंत मुदतवाढ देण्यात आली आहे.

बालकांचा मोफत व सक्तीच्या शिक्षणाचा अधिकार अधिनियम 2009 अंतर्गत 25 टक्के प्रवेश प्रक्रिये करीता सन 2022-23 च्या शैक्षणिक वर्षाकरिता जळगाव जिल्ह्यात 594 विद्यार्थ्यांची पहिली प्रतिक्षा यादी जाहीर झाली होती. त्यापैकी शेवटच्या दिवसापर्यंत 372 प्रवेश निश्चित झाले. यात 222 जागा रिक्त राहिल्या आहे. यापैकी 165 जागांसाठी दुसरी प्रतीक्षा यादी जाहीर झाली. यासाठी 21 जूनपर्यंत मुदत देण्यात आली होती मात्र प्रवेश कमी झाल्याने पुन्हा 28 जूनपर्यंत मुदतवाढ देण्यात आली आहे. यंदा जळगाव जिल्ह्यातील 285 शाळांमधील3147 जागांसाठी ही प्रक्रिया राबविली जात आहे. त्यानुसार पहिली निवड यादी 2940 विद्यार्थ्यांची जाहीर झाली होती.15 जूनपासून शाळा सुरु झालेल्या असताना आरटीची प्रवेश प्रक्रिया अद्याप सुरूच असल्याने विद्यार्थी कधी प्रवेश निश्चित करून शाळेत जाणार असा प्रश्न उपस्थित केला जात आहे. दरम्यान पहिल्या निवड यादीतील 2940 पैकी 2173 विद्यार्थ्यांनीच मुदतीअंती प्रवेश निश्चित केले तर पहिल्या निवड यादीतील 372 विद्यार्थ्यांचे प्रवेश निश्चित झाले आहे.