देखभाल, दुरुस्तीच्या कामांचा झाला परिणाम‎:झेलम, काशी एक्स्प्रेस‎ तीन तास धावली उशिरा‎

‎रविवारी झेलम, गोवा, काशी‎ एक्स्प्रेस तीन तास,‎ बरेली-लोकमान्य टिळक‎ साडेतीन तास तर सचखंड‎ एक्स्प्रेस तब्बल ५ तास ५० मिनिटे‎ उशिराने धावत असल्याने‎ प्रवाशांची मोठी गैरसोय झाली.‎ ताप्तीगंगा व चेन्नई-जोधपूर या‎ गाड्या वळवण्यात आल्या. घरून‎ निघताना गाड्यांचे लोकेशन न‎ पाहिल्याने व स्थानकात आल्यावर‎ गाड्या उशिराने धावत असल्याचे‎ कळाल्याने स्थानिक प्रवाशांनी‎ स्टेशनातून काढता पाय घेतला.‎

अनेकांनी स्थानकातच वेळ काढत‎ रेल्वेच्या नियोजनाबाबत बोटे‎ मोडली.‎ जळगावातून‎ संपूर्ण भारतभर‎ सुरक्षित प्रवास म्हणून रेल्वेची‎ ओळख‎ आहे. लांबचा प्रवास‎ करणारे असंख्य ‎प्रवासी रेल्वेला‎ पसंती देतात. मात्र,‎ रविवारी‎ तब्बल ६ गाड्या दीड तासापासून‎‎‎‎‎‎‎‎‎‎‎‎‎‎‎‎‎‎‎‎‎‎ ते ५ तास ५० मिनिटांपर्यंत उशिराने‎ धावत असल्याने प्रवाशांची मोठी‎ गैरसोय झाली. आरक्षण‎ असलेल्या प्रवाशांचे हाल झाले.‎

या गाड्या उशिराने‎
गाडी क्र. ११०७८ जम्मूतवी-पुणे‎ (झेलम) ३ तास, गाडी क्र.‎ १२७८० हजरत‎ निजामोद्दीन-वास्को (गोवा) ३‎ तास, गाडी क्र. १५०१८‎ गोरखपूर-लोकमान्य टिळक‎ (काशी) ३ तास, गाडी क्र.‎ १४३१५ बरेली-लोकमान्य टिळक‎ एक्स्प्रेस ३.३० तास, गाडी क्र.‎ १२७१६ अमृतसर-नांदेड‎ (सचखंड) ५ तास ५० मिनिटे,‎ तर गाडी क्र. १२१६२‎ आग्राकॅन्ट-लोकमान्य टिळक‎ (लष्कर) १.३० मिनिटे उशिराने‎ धावत आहे. तर १९०४६‎ छपरा-सुरत ताप्ती गंगा व गाडी‎ क्र. २२६६३ चेन्नई-जोधपूर या‎ गाड्यांचा मार्ग वळवला आहे.‎