आमलकी एकादशी:संत मेळाव्यात कीर्तन, पावलीसह दिंडीची रंगत‎

आमलकी एकादशीनिमित्त‎ विवेकानंद प्रतिष्ठान संचलित डॉ.‎ अविनाश आचार्य विद्यालयाच्या‎ प्राथमिक विभागात शुक्रवारी संत‎ मेळावा झाला. या मेळाव्यातून‎ विद्यार्थ्यांनी संत साहित्य, संतांची‎ ओळख, ओव्या अभंग, भजनाचा‎ अनुभूती घेतली. या वेळी कीर्तन,‎ भारुड, पावलीसह दिंडीची रंगत‎ आणली हाेती.‎ मेळाव्यास विठ्ठल रुख्मिणी‎ प्रतिमेची पूजा व आरतीनंतर‎ सुरुवात झाली. या वेळी दादा‎ महाराज जोशी, महापौर जयश्री‎ महाजन, केशव स्मृती प्रतिष्ठानचे‎ अध्यक्ष भरत अमळकर, रामानंद‎ पोलीस स्टेशनचे पोलिस निरीक्षक‎ रोहिदास गभाळे, शालेय समिती‎ प्रमुख हेमा अमळकर,‎ मुख्याध्यापिका योगिता शिंपी‎ उपस्थित होत्या.

संत मेळाव्यात २००‎ विद्यार्थ्यांनी प्रत्यक्ष सहभाग‎ नोंदविला. त्यांनी कीर्तन, भारुड,‎ अभंगवाणी, पावली व दिंडीने‎ भक्तिभाव निर्माण केला. संतांच्या‎ जीवनावर आधारित प्रसंग‎ पथनाट्यातून सादर केली. संतांच्या‎ गोष्टींची हस्तलिखितातून ओळख‎ झाली. विद्यार्थ्यांनी काढलेल्या‎ संताच्या चित्रांचे चित्रकला प्रदर्शन‎‎‎‎‎‎‎‎‎‎‎ लक्ष वेधून घेत होते.

संतांच्या‎ डॉक्युमेंट्रीतून वर्षभरातील‎ एकादशीचा आढावा सांगितला. संत‎ तुकाराम, नामदेव, ज्ञानेश्वर, गोरा‎ कुंभार, सावता माळी, सेना‎ महाराज, चोखामेळा, नरहरी‎‎‎‎‎‎‎‎‎‎‎ सोनार, मुक्ताबाई, सखुबाई,‎ पुंडलिक, निवृत्तीनाथ, एकनाथ या‎ संतांची पात्र विद्यार्थ्यांनी वेशभूषेसह‎ साकारली हाेती. विद्यार्थ्यांनी‎ साकारलेले पंढरपूरच्या विठ्ठलाचे‎ मंदिर हे मेळाव्याच आर्कषण होते.‎