महोत्सव:आजपासून महागणपती‎ प्राणप्रतिष्ठा महोत्सव‎

पाळधी येथील मणियार इस्टेटमध्ये‎ भारतातील सर्वांत उंच असलेल्या‎ ३१ फूट श्री सिद्धी महागणपती‎ प्राणप्रतिष्ठेचा १६ दिवसांच्या‎ उत्सवास मंगळवारपासून सुरुवात‎ होत आहे.‎ महाेत्सवात दैनंदिन कार्यक्रमात‎ सकाळी ८ वाजता नित्य अर्चना,‎ दुपारी ४ वाजता अथर्वशीर्ष पठण,‎ सायंकाळी ६ वाजता महाप्रसादाचा‎ कार्यक्रम होणार आहे. मंगळवारी‎ प्रायश्चित्त संकल्प, नान्दीश्राद्ध,‎ अभिषेक, यासह गणपती मातृका‎ पूजन, दशविधी स्नान, हवन नित्य‎ आराधना, जलयात्रा व दुपारी ४‎ वाजता मंडप प्रवेश हे धार्मिक विधी‎ होणार आहेत.

साेमवारी किशनगढ,‎ पुष्कर, चित्रकूट, प्रयागराज, जयपूर‎ आदी तीर्थक्षेत्रावरून पंडित दाखल‎ झाले आहेत. आहुतीसाठी‎ चर्तुककुंड, इंद्रकुंड, योनीकुंड,‎ चापकुंड, त्रिकोण कुंड, वर्तुळ कुंड,‎ अष्टकुंड, पदमकुंड, रुद्रकुंड या नऊ‎ प्रकारचे कुंड तयार करण्यात आले‎ आहे. यज्ञा बरोबरच सहस्र मोदक,‎ फुले, अत्तर, दूध दहीचा अभिषेक,‎ मिठाईचा अभिषेक केला जाणार‎ आहे. यासाठी भाविकांच्या‎ सोयीसाठी आकाशवाणी चौकातील‎ सिद्धि व्यंकटेश मंदिरापासून माेफत‎ वाहनाची विशेष व्यवस्था करण्यात‎ आली आहे.‎