मोहिम:रुग्ण बरा झाल्यानंतर प्राप्त होतोय गोवरचा अहवाल

सर्वत्र गोवरची साथ वाढत असताना लक्षणे असलेल्या रुग्णांच्या तपासण्यांबाबत आरोग्य विभागाकडून सूचना दिल्या जात आहे; मात्र प्रत्यक्षात सर्वच जिल्ह्यातून रक्ताचे नमुने अधिक जमा होण्यास सुरवात झाल्याने आता अहवालास विलंब होत आहे. परिणामी रुग्ण बरा झाल्यावर आरोग्य विभागातर्फे अहवाल प्राप्त होत आहे. अहवाल येण्यापूर्वीच रुग्णालयांकडून उपचार करण्यात येत असल्याची माहिती महापालिका आरोग्य विभागातर्फे देण्यात आली.

राज्यात गोवरचा उद्रेक होत असून लसीकरणावर भर देण्याच्या सूचना देण्यात आल्या आहे. त्याअनुषंगाने मोहिमदेखील राबवण्यात येत आहे. शहरातील खासगी हॉस्पिटलमध्ये गोवर सदृश्य रुग्णांच्या रक्ताचे नमुने घेऊन ते महापालिकेकडे पाठविण्यात येतात. दरम्यान, नमुने पाठवल्यानंतर अहवाल प्राप्त होण्यास महिना लागत आहे.\