उपासना ऑनलाइन:अॅपवर नमाज पद्धती, रमजान‎ थीमवर गेम, कुराण नमाजाची वेळही मोबाइलवर‎ ; वेळ वाचवण्यास प्राधान्य‎

बदलत्या युगासोबत इश्वर भक्ती‎ कशी करावी हे ऑनलाइन सांगितले‎ जाते आहे. प्ले स्टोरमध्ये असे अनेक‎ अॅप आले आहेत. त्यातून उपवास,‎ नमाजाची पद्धती तसेच वेगवेगळ्या‎ भाषांच्या अनुवादासह कुराण, पॉकेट‎ कुराण आदी उपलब्ध होत आहे.‎ याकडे खास करून युवावर्ग अधिक‎ आकर्षित होत असल्याचे दिसून येते‎ आहे.

सहेरी, इफ्तार, पाच वेळेच्या‎ नमाजाची माहिती मोबाइल‎ अॅप्लिकेशनच्या माध्यमातून पाहिली‎ जाते आहे हे विशेष हाेय.‎ मुस्लिम समाजात दिवसातून पाच‎ वेळा नमाजाव्यतिरिक्त देखील‎ ईश्वराचे स्मरण दिवसातून अनेक‎ वेळा विविध पद्धतीने केले जाते. यात‎ तस्बीहच्या (माळ) माध्यमातून‎ देखील ईश्वराची आठवण केली‎ जाते. यासाठी मोत्याची एक माळ‎ असते. त्यात बोटांद्वारे मोत्यांची‎ संख्या मोजण्यासह ईश्वराचे‎ नावदेखील घेतले जाते.

मात्र, यात‎ आता मोत्यांच्या तस्बीहच्या (माळ)‎ जागेवर डिजिटल तस्बीह आली‎ आहे. यात एक बटन लावलेले‎ असते. ते बटन ईश्वराचे नाव घेणारा‎ व्यक्ती परत-परत दाबत असतो.‎ त्यामुळे आपण किती वेळा ईश्वराचे‎ नाव घेतले ते डिजिटल स्कीनवर‎ येते. ही डिजिटल माळही ऑनलाइन‎ उपलब्ध हाेऊ लागली आहे.‎ तसेच‎ अनेक अॅप असेही आहेत‎ ज्यातून कुराणची आयत ऐकू‎ शकतो.‎

माेबाइल गेमची थीम रमजानच्या थीमवर मोबाइल गेम‎ विकसित केले आहेत. त्यात उपवास‎ ठेवणे, ५ वेळचा नमाजी होणे‎ असे उपक्रम देण्यात येतात. यात‎ एक खेळाडू कुटुंबीयांना उपवास‎ ठेवणे व नमाज अदा करण्याचा अर्थ‎ सांगतो. त्यात दोन मोड असतात.‎ यात पहिला मोड हा रमजान तर‎ दुसरा मोड हा ईद मोड असतो.‎

पाकीट कुराण उपलब्ध‎ विविध भाषांमध्ये भाषांतरासह‎ मिनी किंवा पाॅकेट कुराण‎ ऑनलाइन उपलब्ध हाेते आहे.‎ पाॅकेट कुराण आपण प्रवासात‎ देखील सहज घेऊन जाऊ‎ शकतो. तसेच प्ले-स्टोरमध्ये‎ अनेक भाषांमध्ये कुराणचे‎ मोबाइल अॅप्लिकेशन उपलब्ध‎ आहे. ते आपण डाऊनलोड‎ करून वाचू शकतो.