आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जनप्रबाेधन:नायलाॅन मांजा हा पक्ष्यांसाठी ठरताेय जीवघेणा‎; वन्यजीव संरक्षण संस्थेकडून जनजागृती

जळगाव‎24 दिवसांपूर्वी
  • कॉपी लिंक

बंदी असलेला नायलॉन मांजा‎ हरीविठ्ठलनगरमध्ये विक्री‎ होत असल्याचे स्टींग‎ ऑपरेशन ‘दिव्य मराठी’ने‎ केले. त्यानंतर गुरूवारी‎ वन्यजीव संरक्षण संस्थेच्या‎ सदस्यांनी हरीविठ्ठलगरातूनच‎ मांजा विक्रेत्यांची जनजागृती‎ सुरू केली आहे. पंतग, मांजा‎ विक्रेत्यांना भेटून नायलॉन,‎ चायना मांजामुळे पक्ष्यांचा‎ जीव धाेक्यात आला आहे.‎

यासह दुष्परिणाम काय आहेत‎ याची माहिती देण्यात येत‎ आहे. तसेच या कालावधीत‎ जनतेने काय काळजी‎ घ्यायला हवी याबद्दल‎ जनजागृती करण्यात येत‎ आहे. मोहिमेत संस्था अध्यक्ष‎ रवींद्र फालक, बाळकृष्ण‎ देवरे, रवींद्र सोनवणे, योगेश‎ गालफाडे, जगदीश बैरागी,‎ राहुल सोनवणे, राजेश‎ सोनवणे, नीलेश ढाके, रवींद्र‎ भोई, कृष्णा दुर्गे, प्रसाद‎ सोनवणे , चेतन भावसार,‎ पंकज सुर्यवंशी, अरुण‎ सपकाळे, फ्रेंडस ऑफ‎ अॅनिमलचे योगेश वानखेडे हे‎ सहभागी झाले आहेत.‎

कृतीदल स्थापन करुन कारवाई करा : नायलॉन मांजा उत्पादन,‎ साठवणूक, विक्री व मांजा बाळगणे याविरोधात कृतिदल स्थापन करण्याची‎ मागणी निसर्गमित्रतर्फे पक्षिमित्र शिल्पा व राजेंद्र गाडगीळ यांनी जिल्हाधिकारी‎ यांच्याकडे केली आहे. या वेळी नायलॉन मांजा उत्पादन, साठवणूक, विक्री व‎ मांजा बाळगणाऱ्यांच्या विरुद्ध कायदेशीर कारवाई करावी. फौजदारी गुन्हे दाखल‎ करावे, अशी मागणी गाडगीळ यांनी केली आहे.‎

नागरिकांनो अशी घ्या काळजी‎
पतंगोत्सव काळात मोटारसायकलवर‎ वावरताना गळ्यात मफलर किंवा रुमाल बांधा.‎ मुलांना नायलॉन मांजा वापरू देऊ नका,‎ पतंग उडवताना हातात हातमोजे वापरा.‎ शहरात कुठेही चायना, नायलॉन मांजा विक्री‎ होत असल्यास बंदी बाबत संबधितांच्या लक्षात‎ आणून द्या. तसेच दुष्परिणामाची माहिती द्या.‎ नायलॉन मांजा विक्रेत्यांची माहिती पोलिस‎ ठाणे, मनपा, वन्यजीव संस्थेस कळवा.‎ मांजामुळे जखमी झालेले पक्षी आढळून‎ आल्यास वन विभाग हेल्पलाईनच्या १९२६ या‎ क्रमांकावर फोन करा किंवा पक्षीमित्रांना‎ बोलवा. पक्ष्यांचे जीव वाचवा.‎

बातम्या आणखी आहेत...