आध्यात्मिक:आमलकी एकादशीनिमित्त 200 विद्यार्थ्यांनी‎ साकारली संतसृष्टी; आजपासून पाहता येणार‎

विवेकानंद प्रतिष्ठान संचलित डॉ.‎ अविनाश आचार्य विद्यालयाच्या‎ प्राथमिक विभागात वर्षभरातील सर्व‎ एकादशी साजऱ्या करण्यात येतात. या‎ एकादशींचे आमलकी एकादशीला‎ समारोप करण्यात येताे. ३ मार्च राेजी‎ आमलकी एकादशी असून यानिमित्ताने‎ २०० विद्यार्थ्यांनी संतसृष्टी साकारली‎ आहे. ३ मार्चला सकाळी १० ते दुपारी ४‎ व ४ मार्चला सकाळी ११ ते दुपारी ३‎ वाजेदरम्यान ही संतसृष्टी पालक व‎ नागरिकांना पाहता येणार आहे. यात‎ संत नामदेव पायरी, गरुडखांब, संत‎ चोखामेळा समाधी, ज्ञानेश्वर-मुक्तार्इ‎ ंची ताटी, जनाबाईंचे घर, संत गोरा‎ कुंभारांची झोपडी हे संतसृष्टीचे‎ आकर्षणाचे केंद्रबिंदू ठरणार आहे.‎

संताच्या जीवनावर पथनाट्य : विद्यार्थी कान्होपात्रा-विठ्ठल भेट,‎ सखुबाई-विठ्ठल दर्शन, पुंडलिक विटेचा प्रसंग, एकनाथ-जनार्दन स्वामी प्रसंग, सावता‎ माळी-विठ्ठल भेट, संत ज्ञानेश्वर महाराज व रेड्याच्या प्रसंग विद्यार्थी साकारणार‎ आहे. तसेच संत मेळाव्यात कीर्तन, भारुड, अभंगवाणी, पावली, दिंडी, संतांच्या‎ जीवनावर आधारित प्रसंग पथनाट्यातून सादर करणार आहे.‎

विद्यार्थ्यांना संत साहित्य माहीत व्हावे,‎ संतांची ओळख, परिचय होऊन‎ संतांच्या ओव्या, अभंगातून‎ जीवनमूल्ये समजण्यासाठी डॉ.‎ आचार्य विद्यालयातर्फे संतसृष्टीचा‎ उपक्रम राबवण्यात येत आहे.‎ महिनाभराच्या परिश्रमानंतर २००‎ विद्यार्थी ही संतसृष्टी साकारली आहे.‎ संतसृष्टीचा संपूर्ण परिसर विद्यार्थ्यांनी‎ शेणाने सारवला असून येथे संत‎ काळातील ग्रामीण सृष्टी ३ व ४ मार्च‎ राेजी पालकांना पाहता येणार आहे. या‎ वेळी दादा महाराज जोशी, भरत‎ अमळकर, महापौर जयश्री महाजन,‎ मुख्याध्यापिका योगिता शिंपी व इतर‎ शिक्षक उपस्थित राहतील.‎

संतसृष्टीत मुलांची ५० हस्तलिखिते, संतावरील चित्रांचे प्रदर्शन‎
मुलांनी तयार केलेल्या संतांच्या गोष्टींची‎ ५० हस्तलिखित, विद्यार्थ्यांनी संतांवर‎ काढलेले चित्रांचे प्रदर्शन, संतांवरील‎ डॉक्युमेंट्री संतसृष्टीत बघायला मिळणार‎ आहे. तसेच संत तुकाराम, संत नामदेव,‎ संत ज्ञानेश्वर, संत गोरा कुंभार, संत‎ सावता माळी, संत सेना महाराज, संत‎ चोखामेळा, संत नरहरी सोनार, संत‎ मुक्ताबाई, संत पुंडलिक, संत‎ निवृत्तीनाथ, संत एकनाथ या संतांची‎ पात्रेदेखील विद्यार्थी वेशभूषेसह‎ साकारणार आहेत.‎