आदेश:बस अपघातातील जखमी महिलेला‎ सात लाखांची भरपाई देण्याचे आदेश‎

बसच्या धडकेत १५ ठिकाणी पाय‎ फ्रॅक्चर होऊन अपंगत्व आलेल्या‎ एका महिला होमगार्डला जळगाव‎ आगाराने साडेसात लाख रुपयांची‎ नुकसानभरपाई देण्याचे आदेश‎ मोटार अपघात न्यायालयाने दिले.‎ घटन अशी की, अंजना शिवाजी‎ गायकवाड (रा. कुंभार गल्ली,‎ जामनेर) यांचा २६ नोव्हेंबर २०२१‎ रोजी दुपारी १२ वाजता जामनेरात‎ अपघात झाला होता. गायकवाड‎ यांच्या पायावरून भरधाव एसटी‎ बस (एमएच २० बीएल ३३६२)‎ गेली.

या अपघातात त्यांचा पाय ३८‎ टक्के कायमस्वरूपी निकामी झाला.‎ गायकवाड यांच्या फिर्यादीवरून‎ बसचालक सोपान श्रीराम थाटे (रा.‎ केकतनिंभोरा ) यांच्या विरुद्ध गुन्हा‎ दाखल करण्यात आला आहे.‎ गायकवाड यांनी मोटार अपघात‎ न्यायालयात नुकसान भरपाईसाठी‎ अर्ज केला होता. या अर्जावर‎ सुनावणी झाली. अपघातात झालेले‎ नुकसान, सिव्हिल सर्जन यांचे‎ अपंगत्वाबाबतचे प्रमाणपत्र तसेच‎ गायकवाड यांच्याकडून अॅड. महेंद्र‎ सोमा चौधरी यांनी केलेला‎ युक्तिवाद न्यायालयाने ग्राह्य धरला.‎