वसुलीची अपेक्षा‎:मालमत्ता करावरील दंड 100 टक्के‎ हाेणार माफ, आजपासून अभय याेजना‎

महापालिकेची शहरातील सुमारे ‎ ‎ सव्वालाख मालमत्ता कराची‎ थकबाकी असलेल्या‎ नागरिकांकडून कर वसुलीसाठी ‎पालिकेने शास्ती अभय याेजना‎ जाहीर केली आहे. साेमवारपासून‎ सुरू हाेणारी ही याेजना १५ मार्चपर्यंत‎ आहे. यातून पालिकेला गेल्या सहा‎ वर्षांपासून थकबाकी असलेल्या‎ २६४ काेटी वसुलीची अपेक्षा आहे.‎ याेजनेंतर्गत जमीन व इमारतीवरील‎ मालमत्तेच्या थकबाकीपाेटी‎ लावलेली शास्ती (दंड) शंभर‎ टक्के माफ करण्यात येणार आहे.‎ शहरातील १ लाख १२ हजार ८१३‎‎ ‎ ‎ ‎ थकबाकीदार मालमत्ताधारकांची‎‎ माहिती पालिकेने तयार केली आहे.‎

यात एक‎ ते सहा वर्षांपर्यंतच्या‎‎ थकबाकीदारांकडे ९५ काेटी ७५‎‎ ला‌ख ५७ हजार ७९६ रुपयांची‎‎ निव्वळ थकबाकी आहे. याशिवाय‎‎ २७ काेटींची शास्ती आहे. सहा‎‎ वर्षांपेक्षा जास्त कर थकबाकी‎‎ असलेल्या अकरा हजार मालमत्ता‎‎ धारकांकडे ३४ काेटी रुपये घेणे‎‎ आहेत. चालू‎ वर्षासाठी मालमत्ता‎ कराची ८८ काेटींची तर‎ थकबाकी‎ १४८ काेटी आहे. एकूण‎ मागणी २३६‎ काेटी आहे. त्यापैकी‎ ५५ काेटी रुपये‎ वसूल‎ केल आहेत. यापूर्वी दंडाची‎ रक्कम भरलेल्यांना याेजनेचा लाभ‎ मिळणार नाही. लाभ घेण्यासाठी‎ पूर्ण रक्कम भरावी लागणार आहे.‎

नागरिकांना आॅनलाइन करता येईल भरणा‎
मनपाने मिळकतदारांना बजावलेल्या मालमत्ता कराच्या बिलांवर क्यूआर‎ काेड मुद्रित केला आहे, त्याद्वारे अथवा मनपाच्या http://jalgaonmc.org‎ या‎ वेबसाइटवरही आॅनलाइन भरणा करता येणार आहे. हा भरणा करताना‎ नेट बँकिंग, डेबिट कार्ड, क्रेडिट कार्ड, यूपीआय अॅप, फाेन-पे, गुगल पे‎ द्वारेही करता येणार आहे. धनादेश (चेक) व डीडीद्वारे भरणा करता येईल.‎