चित्रप्रदर्शन:पिसुर्वाेंची माॅर्डन आर्ट खराेखर वेगळेपण मांडते‎; जैन उद्याेग समूहाचे अध्यक्ष अशाेक जैन यांचे गाैरवाेद‌्गार,

जगभरातील १६ देशांत ज्यांच्या‎ चित्रकलेला मानाचे स्थान त्यांनी‎ श्रद्धापूर्वक मोठेभाऊ तथा भवरलाल जैन‎ यांच्या जीवनकार्यावर आधारित चित्रांचा‎ आविष्कार केला. कलावंत ज्यावेळी‎ सभोवतालची सृष्टी आपल्या आतल्या‎ डोळ्यांनी पाहतो तेव्हा तो कुंचल्यातून‎ सजीव करण्याचा प्रयत्न करतो. अशा‎ प्रतिभावंतांना जीवनमूल्यांची सखोल जाण‎ असली तर त्या कलाकृती निश्चितच‎ व्यापक भावार्थ घेऊन साकार होतात.‎ माेठेभाऊ यांच्या ८५ चित्रांकृती मनाला‎ आनंद देणाऱ्या, चांगल्या कृतीचा जागर‎ करणाऱ्या सुंदर मनाचं प्रतीक आहे असे‎ मनोगत जैन इरिगेशनचे अध्यक्ष अशोक‎ जैन यांनी व्यक्त केले.‎

जामनेर येथील जगविख्यात चित्रकार‎ जितेंद्र सुरळकर (पिसुर्वो) यांनी‎ भवरलाल जैन यांच्या ८५ व्या‎ जन्मदिनानिमित्त मोठेभाऊंच्या जीवनावर‎ आधारित ८५ चित्र चितारलेली आहेत. ‘A‎ tribute to बडे भाऊ’ हे चित्रप्रदर्शन‎ भाऊंच्या उद्यानातील वसंत वानखेडे आर्ट‎ गॅलरी येथे सुरू आहे. मंगळवारपर्यंत‎ उद्यानाच्या वेळेत ते पाहता येणार आहे.

या‎ प्रदर्शनाचे उद्घाटनप्रसंगी जैन इरिगेशनचे‎ अध्यक्ष अशोक जैन प्रमुख पाहुणे म्हणून‎ उपस्थित होते. यावेळी चित्रकार जितेंद्र‎ सुरळकर (पिसुर्वो), चोपडा ललित कला‎ विद्यालयाचे प्राचार्य राजेंद्र महाजन, तरुण‎ भाटे, विकास मल्हारा, विजय जैन, सचिन‎ मुसळे, सुशील चौधरी, चेतन पाटील,‎ योगेश सुतार, मनोज जंजाळकर, जितेंद्र‎ चौधरी, रूपाली पाटील उपस्थित हाेते.‎

सात आकड्यांचे गणित उलगडले‎
पिसुर्वो यांनी जीवनातील सात या आकड्याचे गणित‎ उलगडे आणि सात पासून सुरू झालेला चित्रप्रवास‎ सांगताना मोठ्याभाऊंच्या पहिल्या भेटीचा प्रसंग‎ सांगितला. सातपुड्याचा सात रांगा, अंबाई, निंबाई,‎ उमाई, गौराई, मुक्ताई, पावराय, भिवराई या सात‎ बहिणींचे प्रतीकात्मक मांडले आहे. प्रत्येक‎ चित्र वेगळा विषय आणि आशय मांडणारा आहे.‎

प्रदर्शनात मांडली ८५ चित्रे‎
कान्हदेशातील मातीत वाढून जगाला‎ वेगळी ओळख निर्माण करणारे भवरलाल‎ जैन हे जामनेर तालुक्यातील वाकोदचे. तर‎ चित्रकार पिसुर्वो ही जामनेर तालुक्यातील.‎ पिसुर्वो यांनी कान्हदेशातील रंग, माती,‎ संस्कृती आणि निसर्गाला आपल्या विशिष्ट‎ चित्रशैलीत जगासमोर आणले. यातून‎ त्यांची जवळपास १६ देशांमध्ये प्रदर्शने‎ कलाप्रेमींना भुरळ घालून गेली.

याच‎ भूमिपुत्राने आपल्याच तालुक्यातील ज्येष्ठ‎ विचारवंत तथा उद्योजकाच्या उद्देशून‎ ‘माणूस कितीही व्यस्त किंवा मोठा‎ असला तरी समाजासमोर तो अनेकांतील‎ एक असतो’ तसे पद्मश्री डॉ. भवरलाल‎ जैन. यांच्या जीवनावरती ८५ चित्रे‎ चितारलेली असून ती लक्ष वेधताहेत.‎