जनजागृती:स्थूलपणा कमी करण्यासाठी‎ प्रबाेधन करणार ; मंत्री महाजन‎

पुरुषांच्या तुलनेत महिलांमध्ये‎ स्थूलपणा दुपटीने वाढला आहे. स्थूलपणामुळे विविध आजार‎ शरीराला जडतात. लहान मुलांना ‎ ‎ स्थूलपणा होणार नाही, याबाबत‎ मुलांना जर माहिती आताच दिली,‎ काळजी घेतली तर भविष्यात‎ मुलांमध्ये स्थूलता वाढणार नाही. हा‎ स्थूलपणा घालवण्यासाठी वैद्यकीय‎ शिक्षण विभागाने सुरू केलेले‎ अभियान राज्यभरात महत्त्वाची‎ भूमिका बजावेल. व्यायाम व आहार‎ यावर आपले वजन अवलंबून आहे,‎ असे प्रतिपादन राज्याचे वैद्यकीय‎ शिक्षण व औषधी द्रव्ये मंत्री गिरीश‎ महाजन यांनी केले.‎

वैद्यकीय शिक्षण व औषधी द्रव्ये‎ विभागाच्या स्थूलपणा जनजागृती व‎ उपचार अभियानास शनिवारी‎ शासकीय वैद्यकीय महाविद्यालय व‎ रुग्णालय, जळगाव येथून प्रारंभ‎ करण्यात आला. कार्यक्रमाला‎ विभागाचे मंत्री गिरीश महाजन‎ यांच्या उपस्थितीत जनजागृती‎ अभियानाचे फलक हाती घेऊन‎ ‎ ‎ ‎ ‎ ‎ ‎ मान्यवरांनी अभियानाला सुरुवात‎ केली. वैद्यकीय शिक्षण व संशोधन‎ संचालनालयाचे सहसंचालक डॉ.‎ अजय चंदनवाले, अधिष्ठाता डॉ.‎ गिरीश ठाकूर, शल्यचिकित्सक डॉ.‎ किरण पाटील मंचावर उपस्थित‎ होते. प्रास्ताविक अधिष्ठाता डॉ.‎ ठाकूर यांनी केले. डॉ. धर्मेंद्र पाटील‎ यांनी सूत्रसंचालन केले. डॉ. संगीता‎ गावित यांनी आभार मानले.‎

महाजनांनी सांगितले निरोगी आयुष्याचे रहस्य‎
मंत्री महाजन हे निरोगी असल्याने नेहमी त्यांची स्तुती होत असते. कार्यक्रमात‎ त्यांनी त्यांच्या निरोगी जीवनाचे रहस्य सांगितले. आयुष्यभर मी चहाला‎ शिवलेलाही नाही. तेलकट-तुपकट पदार्थ, फास्ट फूड, साखर मी टाळतो.‎ पूर्णपणे निर्व्यसनी आहे. दररोज सकाळी एक तास व्यायाम करीत असून‎ जिममध्ये जात असल्याचेही महाजन म्हणाले.‎