रस्त्यांचा मुद्दा ऐरणीवर:पावसाचा अंदाज; सीलकाेटअभावी‎ रस्ते खराब होण्याची शक्यता वाढली‎

‎महापालिकेला दूषणे देत सार्वजनिक‎ बांधकाम विभागाकडे ४२ काेटींची‎ रस्त्याची कामे साेपवण्यात आली. कामे‎ सुरू हाेऊन चार महिने उलटले तरी‎ एकाही रस्त्याचे काम पूर्ण झालेले नाही.‎ सर्वच रस्त्यांची कामे अपूर्णावस्थेत‎ आहेत. त्यातच हवामान खात्याने येत्या‎ चार दिवसांत पावसाचा अंदाज वर्तवला‎ आहे. कारपेट न केलेल्या रस्त्यांवर‎ पाऊस झाल्यास अर्धवट बनलेल्या‎ रस्त्यांची वाट लागण्याचा धोका समोर‎ दिसतो आहे.‎ शहरातील काेर्ट ते गणेश काॅलनी‎ रस्ता आणिआयएमआरकडून‎ रिंगराेडकडे जाणारा रस्ता यांची तुलना‎ केली जाते आहे. त्यामुळे ४२ काेटींतील‎ रस्ते गुळगुळीत केव्हा हाेणार, असा‎ प्रश्न नागरिकांकडून मनपाच्या‎ अधिकारी वलाेकप्रतिनिधींना विचारला‎ जातो आहे. यासंदर्भात सार्वजनिक‎ बांधकाम विभागाकडून मात्र‎ मक्तेदाराची पाठराखण केली जात‎ असल्याचे समोर येते आहे.‎

कारपेट एकाच वेळी करण्यासाठी‎ आतापर्यंत ठेकेदाराने २३ रस्त्यांचे काम‎ केले असून ३१ रस्त्यांचे बीएम झाल्यावर‎ कारपेट करण्याचे नियाेजन असल्याचे‎ सार्वजनिक बांधकाम विभागाचे म्हणणे‎ आहे. अर्थात, असे करण्याचे काही‎ कारण नाही. रस्त्यांच्या कामानुसार‎ वेळच्या वेळी त्यावर कारपेट होणे‎ आवश्यक आहे. ते होत नसल्यामुळे रस्ते‎ नव्याने करण्यात आल्याची अनुभूतीच‎ येत नसल्याची नागरिकांची तक्रार आहे.‎ तीन महिन्यात २३ रस्त्यांचे‎ डांबरीकरण : ४२ काेटींच्या निधीतून‎ मंजूर ४९ रस्त्यांपैकी आतापर्यंत तीन‎ महिन्यात २३ रस्त्यांचे डांबरीकरण‎ (बीएम) पूर्ण झाले आहे. चार रस्त्यांचे‎ एमपीएमचे काम पूर्ण झाले असून बीएम‎ सुरू आहे. तीन रस्त्यांचे एमपीएमचे काम‎ सुरू आहे. त्यामुळे आणखी आठ‎ रस्त्यांचे बीएमचे काम पूर्ण करण्यासाठी‎ २० दिवसांचा कालावधी लागणार आहे.‎‎

कारपेट न केल्याने‎ रस्त्यांवर खड्डे‎
४२ काेटींच्या निधीतून‎ सगळ्यात आधी नाेव्हेंबर‎ महिन्यात काेर्ट ते गणेश‎ काॅलनी रस्त्याचे काम हाती‎ घेण्यात आले हाेते. एमपीएम‎ आणि बीएमचे काम आटाेपून‎ चार महिने उलटले आहेत;‎ परंतु त्यावर अद्याप कारपेटचा‎ थर टाकलेला नाही. परिणामी‎ अनेक ठिकाणी सध्या खडी‎ निघायला सुरुवात झाली आहे.‎ काही ठिकाणी तर खड्डे पडले‎ आहे. हीच स्थिती शहरामध्ये‎ ज्या ठिकाणी बीएमचे काम‎ करण्यात आली आहे त्या‎ ठिकाणची आहे.‎

दहा दिवसांत‎ कारपेटचे‎ काम अपेक्षित‎
रस्त्यांच्या डांबरीकरणाच्या कामासाठी काही विशिष्ट कालावधीत ते पूर्ण हाेणे अपेक्षित असते.‎ एमपीएम व बीएम (बिट्युमीन मेकाडम) यात आठ दिवसांचे अंतर असणे अपेक्षित आहे. बीएम‎ झाल्यावर १० ते २० दिवसांनी कारपेट व त्यानंतर सीलकाेटसाठी डांबराचा स्प्रे मारणे अपेक्षित असते.‎ बीएम हा सुपेरीअर लेअर असेल तर महिना ते दीड महिन्यात कारपेट करता येते; परंतु जर बीएम‎ केल्यानंतर खडी निघणे, खड्डे पडत असतील तर दहा दिवसांत कारपेटचे काम करणे अपेक्षित असते.‎