समस्या‎ सोडवणे शक्य होणार:विद्यार्थ्यांना रिअल टाइम रिमोट टिचिंगचे धडे‎

‎ वैद्यकीय शिक्षण संशोधन‎ विभागाशी संलग्न असलेल्या‎ राज्यातील शासकीय वैद्यकीय‎ महाविद्यालय व रुग्णालयातील‎ विद्यार्थ्यांना वैद्यकीय शिक्षणात‎ डिजिटल हेल्थ एज्युकेशन‎ देण्यासाठी राज्य आरोग्य विज्ञान‎ विद्यापीठाने मायक्रोसॉफ्ट‎ कॉर्पोरेशनच्या सहयोगाने मिक्स‎ रिअॅलिटी मॉड्युल्स तयार केले‎ आहे. या माध्यमातून हॅलो लेन्सच्या‎ मॉड्यूल्सद्वारे रिअल-टाइम रिमोट‎ टिचिंग आणि हेल्थकेअर समस्या‎ सोडवणे शक्य होणार आहे.‎

राज्यात जळगावसह २४‎ शासकीय वैद्यकीय महाविद्यालये‎ आहे. येथे सुमारे ५ हजार विद्यार्थी‎ एमबीबीएस पदवी अभ्यासक्रमाचे‎ तर अडीच हजार पदव्युत्तर विद्यार्थी‎ शिक्षण घेत आहे. जागतिकस्तरावर‎ वैद्यकीय शैक्षणिक संस्थांमध्ये‎ रिअल टाइम रिमोट टिचिंग आणि‎ हेल्थकेअर या विषयांना तंत्रज्ञानुसार‎ अभ्यासक्रम उपलब्ध करून देण्यात‎ येत असल्याची माहिती समोर‎ आली आहे. वैद्यकीय शिक्षणात‎ तंत्रज्ञान व रिअॅलिटी प्लॅटफॉर्मवर‎ आधारित मॉड्युल्सचा वापर‎ झाल्यास वैद्यकीय अभ्यासक्रमात‎ संशोधनाला चालना मिळेल.‎

तंत्रज्ञानाच्या माध्यमातून आरोग्य‎ सेवा सुधारल्यानंतर मात्र ग्रामीण‎ भागातील रुग्णांवर उपचार‎ करण्यासाठी या तंत्रज्ञानाच्या‎ माध्यमातून उभारण्यात येणाऱ्या‎ मॉड्युल्सद्वारे विविध तज्ञ डॉक्टरांचे‎ मदत घेणे उपचारकर्त्या डॉक्टरांना‎ शक्य होईल. तंत्रज्ञानाच्या‎ माध्यमातून ग्रामीण व शहरी आरोग्य‎ यंत्रणा जोडून यातून ग्रामीण आरोग्य‎ सेवा सक्षम करता येईल असे‎ तज्ज्ञांनी ‘दिव्य मराठी’शी बाेलतांना‎ सांगितले.‎