पाेलिसांना संशय‎:सरजूदास महाराजला‎ अटक, धागेदाेरे शहरात‎

राजस्थानातील भिलवाडा येथील‎ घोडास डांगच्या सरजूदास महाराजला‎ अल्पवयीन मुलींवर अत्याचार‎ केल्याच्या प्रकरणात पोलिसांनी अटक‎ केली आहे. सरजूदासचे आश्रम‎ जळगाव, बद्रीनाथ व अयोध्या येथे‎ आहेत. जळगावच्या शाहूनगर हनुमान‎ मंदिरात सरजूदासचे शिष्य बालकदास‎ यांच्याकडे शुक्रवारी भिलवाडा‎ पोलिसांनी चौकशी करून त्यांना ताब्यात‎ घेतले आहे. त्यामुळे या प्रकरणाचे‎ धागेदोरे जळगावात आढळून आले.‎ सरजूदास महाराज भिलवाडाच्या‎ घोडास डांग येथे पाच आश्रमांचा प्रमुख‎ आहे. देशभरात त्याचे शेकडो भक्त‎ आहेत.

कोरोना काळात सरजूदासने‎ आश्रमात अल्पवयीन मुलींवर अत्याचार‎ केल्याचे प्रकार उघडकीस आले आहेत.‎ या पाचही आश्रमातून काही महत्त्वपूर्ण‎ कागदपत्र भिलवाडा पोलिसांना मिळाले.‎ तक्रारकर्त्या अल्पवयीन मुलीने दिलेल्या‎ जबाबानुसार सरजूदासने आत्महत्येची‎ धमकी देत तिच्यावर अत्याचार केले.‎ पीडित मुलगी पोलिसांत गेल्यानंतर या‎ प्रकरणाची चौकशी सुरू झाली आहे.‎ एका पीडितेसह आणखी पाच तरुणींनी‎ सरजूदास विरुद्ध जबाब दिले आहेत.‎

जळगावातील एका अल्पवयीन‎ मुलीसोबत माेबाइलवर चॅटिंगनंतर‎ सरजूदासचे संबंध समोर आले. त्यामुळे‎ हे प्रकरण आता जळगावपर्यंत येऊन‎ पोहोचले आहे. सरजूदासचे शिष्य‎ म्हणवणारे बालकदास महाराज हे शाहू‎ नगरातील हनुमान मंदिराचे प्रमुख आहेत.‎ भिलवाडा पोलिसांनी शुक्रवारी‎ जळगावात येऊन बालकदास महाराज‎ यांची चौकशी केली. चौेकशीसाठी‎ बालकदास यांना ताब्यात घेतले आहे.‎