कापसाच्या भावात घसरण:मागणीत घट झाल्याने सरकीचे दर‎ प्रतिक्विंटल 800 रुपयांनी घसरले‎

‎कापसाच्या दरात सुरू असलेली‎ घसरण अजूनही सुरूच आहे.‎ रुईला मागणी नसल्याने सरकीने‎ कापसाचे दर स्थिर ठेवले हाेते; परंतु‎ सरकीच्या दरात गेल्या महिन्याभरात‎ ८०० रुपयांची घसरण झाली.‎ त्यामुळे कापसाचे दर कमी हाेऊन‎ प्रतिक्विंटल ७७०० रुपयांवर आले‎ आहेत.‎ जागतिक पातळीवर कापसाचे‎ उत्पादन कमी झाल्याचा अंदाज‎ जाहीर करीत अनेक स्वयंघाेषित‎ बाजारतज्ज्ञांनी कापसाच्या भावात‎ वाढ हाेणार असल्याचे चित्र रंगवले‎ हाेते.

दरम्यान, गेल्या महिन्यात ९‎ हजार रुपयांचा उच्चांक गाठलेले‎ कापसाचे दर फेब्रुवारीच्या पहिल्याच‎ आठवड्यात ७७०० रुपयांच्या ‎नीचांकावर आले. जागतिक‎ पातळीवर अपेक्षित मागणीच‎ नसल्याचे सध्या कापसाचे दर‎ घसरले आहेत. सरकीला असलेली ‎ मागणी या महिन्यात अचानकपणे‎ कमी झाली आहे. त्यामुळे‎ जानेवारीच्या पहिल्या आठवड्यात ‎ ‎ प्रतिक्विंटल ४ हजारांचा दर‎ असलेली सरकी फेब्रुवारीत ३१०० ते ‎३२०० रुपयांच्या पातळीवर आली‎ आहे. कापसाच्या अस्थिर‎ बाजाराचा सर्वाधिक फटका जिनिंग‎ उद्याेगाला बसताे आहे.

रुईसाेबतच‎ सरकीला मागणी नसल्याने महागडा‎ कापूस अंगावर पडताे आहे.‎ सरकीत ८०० रुपयांची तर‎ कापसाच्या गाठींमध्ये ५ हजार‎ रुपयांनी भाव घसरून ६० हजार‎ रुपये प्रति गठाणवर आले आहेत.‎ त्यामुळे जिनिंग चालकांचे धाबे‎ दणाणले. खान्देशातील ८० टक्के‎ जिनिंग कारखान्यांत जिनिंग प्रक्रिया‎ थांबल्याची स्थिती आहे. मात्र, असे‎ असले तरी अजूनही शेतकऱ्यांनी‎ कापसाचा माल विक्रीसाठी फारसा‎ प्रतिसाद दिला नसल्याचे‎ जळगावातील व्यापारी सांगताहेत.‎

भावात अस्थिरता‎
कापसाच्या बाजारपेठेत यंदा‎ अधिक अस्थिरता आहे. भावात‎ घसरण हाेत आहे. सरकी आणि‎ गाठींच्या दरातही घसरण झाली‎ आहे. शेतकऱ्यांकडे अजूनही‎ कापूस माेठ्या प्रमाणावर शिल्लक‎ असल्याचे चित्र दिसते आहे.‎ हर्षल नारखेडे, जिनिंग उद्याेजक‎