अवैध डिंक काढणाऱ्यांचे कृत्य‎:सततच्या वणव्यांनी‎ सातपुड्याची "होळी''‎ ; दोन आरोपी ताब्यात

येथील वन विभाग अंतर्गत येत‎ असलेल्या उंबरदेव ते कुवरदेव व‎ आंबाबरवा वन्यजीव अभयारण्य‎ ह्या व्याघ्र बहुल जंगलाच्या शेजारी‎ असलेला सातपुड्यातील वने‎ सध्या वणव्यांनी धगधगत आहे.‎ या वणव्यामुळे वन संपत्तीसह वन्य‎ जीवांची हानी होत आहे. प्रकरणी‎ वन कर्मचाऱ्यांनी दोन जणांना‎ ताब्यात घेतले आहे.‎ मिळालेल्या माहितीनुसार,‎ कुवरदेव वनपरिक्षेत्रात मोठ्या‎ प्रमाणावर सागवानाची झाडे‎ आहेत. या वनपरिक्षेत्रात १८‎ फेब्रुवारी रोजी आग लागली. परंतु‎ वन कर्मचाऱ्यांनी या आगीकडे‎ दुर्लक्ष केल्याने ही आग २८‎ फेब्रुवारी पर्यंत धगधगत होती.‎ तसेच जिल्ह्यातील उंच‎ शिखरांपैकी एक असलेले‎ ढोरमाऱ्याच्या मागच्या बाजूला‎ भिंगारा पश्चिम बीटमध्ये २७‎ फेब्रुवारी संध्याकाळ पासून वणवा‎ धगधगत होता, या वणव्यामुळे‎ अमूल्य वन संपत्ती व वन्यजीवांची‎ ठेवा नष्ट झाला आहे.‎ शिवाय या वणव्यामुळे‎ वातावरणात प्रदूषण वाढत आहे.‎

वन विभागाचे दुर्लक्ष व वाढत्या‎ मानवी हस्तक्षेपामुळे जंगलात‎ वणवा लागत असल्याचे दिसून‎‎‎‎‎‎‎‎‎‎‎‎‎‎‎‎‎‎‎‎ येत आहे. या वणव्या बाबत वन‎ विभागाशी संपर्क साधला असता‎ बऱ्याचदा ही आग आमच्या‎ कार्यक्षेत्रात नसल्याचे सांगीतले‎ जाते. तर काही वेळा आम्ही वणवा‎ विझवत असल्याची माहिती प्रभारी‎ वनक्षेत्र अधिकारी यांनी दिली.‎ मागील आठवड्यापासून दररोज‎ रात्री सातपुड्याच्या विविध भागांत‎ आग लागल्याचे दिसत आहे. वन‎ गुन्हे पूर्णता रोखण्यासाठी पूर्णवेळ‎ वनपरिक्षेत्र अधिकाऱ्यांची व वन‎ विभागातील रिक्त पदे भरण्याची‎ गरज आहे.‎

वन परिक्षेत्रात डिंक काढणाऱ्यांनी लावलेल्या आगीमुळे भडकलेला वणवा ‎.‎ डिंक काढण्यासाठी‎ गुन्हेगार लावतात आगी‎ वन परिक्षेत्रातील आगी या फेब्रुवारी‎ महिन्यापासून दरवर्षी लागतात. परंतु‎ यंदा आगीचे प्रमाण जास्तच वाढले‎ आहे. या आगी काही गुन्हेगार डिंक‎ काढण्यासाठी लावत असल्याचे‎ उघडकीस येत आहे. सालई व इतर‎ काही वृक्षांच्या बुडाशी कुऱ्हाडीचे‎ घाव मारून त्या परिसराला आग‎ लावल्या जाते. त्यामुळे त्या घावातून‎ डिंक निघतो, असा गुन्हेगारांचा‎ समज आहे. याच पद्धतीने‎ परिसरातील कड व धावडा अशी‎ गोंद उत्पादनासाठी महत्त्वाची झाडे‎ या गुन्हेगारांनी नष्ट केल्याचे वृद्ध‎ सांगतात.