अग्नितांडव:शहाद्यात अग्रवाल डायनिंग‎ हॉल 2 तास जळत राहिला‎, सुदैवाने जीवितहानी नाही; 2 तासांनंतर आग आटाेक्यात‎

येथील एस.टी. बस स्थानकाशेजारी ‎ ‎ असलेल्या लक्ष्मी व्यापारी संकुलातील श्री ‎ ‎ भरकादेवी आईस्क्रीम सेंटरच्या वरच्या ‎ ‎ मजल्यावर असलेल्या रमेश अग्रवाल यांचे ‎अग्रवाल डायनिंग हॉल हे भोजनालय‎ आगीत जळून खाक झाले.

बुधवारी दुपारी‎ १२ वाजेच्या सुमारास लागलेली ही भीषण ‎ ‎ अाग शहर पालिकेच्या दोन्ही अग्निशमन ‎ ‎ बंबांनी सुमारे दोन तास अथक प्रयत्न करून ‎ ‎ आटोक्यात आणली. सुदैवाने जीवितहानी ‎ ‎ झाली नसली तरी या अागीत लाखाेंचे‎ नुकसान झाल्याचा प्राथमिक अंदाज आहे.‎

या अग्रवाल डायनिंग हॉलमध्ये आग ‎ ‎ लागल्याचे कळताच बघ्यांनी तत्काळ‎ शहरातील काही सुज्ञ नागरिकांना कळवले.‎ त्यांनी क्षणाचाही विलंब न करता‎ पालिकेच्या अग्निशमन विभागाला‎ कळवले. बंब तत्काळ हजर झाल्याने मोठी‎ हानी टळली. या आगीमुळे शेजारील‎ दुकानांचे व घरांचे नुकसान झाले नाही.‎ आगीचे नेमके कारण समजून आले नाही.‎ ‎

मात्र आग शॉर्टसर्किट मुळे लागल्याचा‎ अंदाज आहे. अागीचे वृत्त कळताच‎ सहाय्यक पोलिस निरीक्षक माया राजपूत,‎ मुकेश राठोड व पोलिस कर्मचाऱ्यांनी‎ घटनास्थळी धाव घेत वाहतुकीची काेंडी‎ साेडवली. तसेच गर्दी हटवली. महावितरण‎ अभियंता सुजित पाटील यांनी कर्मचाऱ्यांना‎ बाेलवून वीजपुरवठा खंडित केला.‎