शरीरासाठी उपयुक्त:म्हैसुरातून आवक वाढल्याने‎ शहाळे पाच रुपयांनी स्वस्त, जळगाव शहरात 8 घाऊक व्यापारी‎

शरीरासाठी शहाळे (कच्चे नारळ) अत्यंत‎ उपयुक्त असते. गेल्या आठवड्यात त्याचा‎ भाव ४० रुपये नग असा होता. जळगाव‎ शहरात आठ घाऊक व्यापारी आहेत. मात्र,‎ या आठवड्यात नवीन एक घाऊक व्यापारी‎ या व्यवसायात उतरला. त्याने पहिल्याच‎ महिन्यात दहा गाड्या शहाळे म्हैसूर येथून‎ मागवले.

परिणामी आवक वाढल्याने‎ बाजारात शहाळ्यांचे भाव पाच रुपयांनी‎ कमी झाले. ते आता शहरात ३५ रुपये नग‎ असे मिळत आहेत.‎ शहरात आठ घाऊक व्यापारी‎ शहाळ्याचा व्यवसाय करतात. दिवसाला‎‎‎‎‎‎‎‎‎ दोन ते तीन लहान (६५०० ते ७०००‎ शहाळे) तर तीन ते चार मोठ्या (२२०००‎ शहाळे) अशा जवळपास पाच ते सहा‎ गाड्या येतात. बहुतांश शहाळे कर्नाटक‎ राज्यातून मागवले जातात. गेल्या‎ महिन्याभरापासून आणखी एक घाऊक‎ व्यापारी या बाजारपेठेत उतरला आहे.