विशेष अभियान‎:सुकन्या 9 ला पाेस्टाचे विशेष अभियान‎

स्वातंत्र्याच्या अमृत महोत्सवानिमित्त‎ जळगाव डाक विभागातील सर्व डाक‎ कार्यालयांतर्गत ‘सुकन्या समृद्धी योजना‎ खाते’ उघडण्यासाठी ९ व १० फेब्रुवारी‎ असे दोन दिवस विशेष अभियान राबवले‎ जाणार आहे. यात जिल्ह्यातून ३ हजार‎ ६१३ सुकन्यांची खाती उघडण्याचे उद्दिष्ट‎ जिल्ह्यासाठी देण्यात आले आहे.‎ पोस्टातर्फे आतापर्यंत ९८ हजार‎ सुकन्यांची खाती उघडण्यात आली‎ आहेत.

जळगाव जिल्ह्यात पोस्टाच्या ३‎ मुख्य कार्यालयांसह ७५ सब व ४५० हून‎ अधिक उपकार्यालयांत ९ व १०‎ फेब्रुवारीला हे अभियान राबवण्यात येणार‎ आहे. यातून ३६१३ खाती उघडण्याचे‎ उद्दिष्ट जिल्ह्याला देण्यात आले आहे. या‎ योजनेत २५० रुपयांत खाते उघडण्यात‎ येणार असून, खाते उघडल्यापासून १५‎ वर्षांपर्यंत खात्यात दरमहा बचत करावी‎ लागणार आहे. कमीत कमी २५० ते‎ जास्तीत जास्त दीड लाखापर्यंत आर्थिक‎ भरणा करता येणार आहे.