संपाची घाेषणा:संप : परीक्षा काळात विनाअनुदानित‎ शिक्षकांची मदत घेणार; सिव्हिल सुरू‎

राज्य सरकारी कर्मचाऱ्यांच्या‎ प्रलंबित मागण्यांसाठी मंगळवारी‎ राज्यभरात संपाची घाेषणा करण्यात‎ आली आहे. महसूल व जिल्हा‎ परिषदेचे कर्मचारी पूर्ण ताकदीने‎ संपात सहभागी हाेणार आहेत. इतर‎ विभागांनीही संपाला पाठिंबा दिला‎ असला तरी प्रत्यक्षात संपात‎ उतरणार नसल्याचे जाहीर केले‎ आहे. त्यामुळे आराेग्य, साफसफाई‎ आदी नागरी सेवा सुविधांवर‎ परिणाम हाेण्याची शक्यता नाही.

‎ दरम्यान, निवासी‎ उपजिल्हाधिकाऱ्यांनी आदेश काढत‎ संपात सहभागी हाेणाऱ्या‎ कर्मचाऱ्यांवर शिस्तभंगाची कारवाई‎ करण्याचे आदेश जारी केले आहेत.‎ रजाही रद्द करण्यात आल्या आहेत.‎ सरकारी कर्मचाऱ्यांच्या‎ मंगळवारच्या संपाच्या पार्श्वभूमीवर‎ जिल्हा प्रशासन अलर्ट झाले आहे.‎ संपात कर्मचारी सहभागी हाेऊ नयेत‎ यासाठी निवासी उपजिल्हाधिकारी‎ राहुल पाटील यांनी महापालिका‎ आयुक्तांसह शासकीय विभागांना‎ पत्र पाठवले आहे.

कंत्राटी कामगारांची घेणार‎ मदत, बारकाईने नियाेजन‎
संप काळात दहावी, बारावीच्या‎ परीक्षेचे काम विचलित होणार नाही,‎ यासाठी जिल्हा परिषदेने नियोजन‎ केले आहे. मंगळवारी बारावीचा‎ पेपर आहे. तर बुधवारी दहावीचा‎ भूमितीचा पेपर आहे. विना‎ अनुदानित शिक्षक, कंत्राटी‎ कामगारांची मदत घेऊ संपात‎ सहभागी कर्मचाऱ्यांऐवढेच कर्मचारी‎ काम करतील असे सांगण्यात आले.‎

सिव्हिलमध्ये उपचार सुरू,‎ रुग्ण परत जाणार नाहीत‎
जीएमसी रुग्णालयातील नर्सेसही‎ काळ्या फिती लावून काम करणार‎ आहेत. त्याच्या व्यतिरिक्त इतर‎ काेणत्याही कर्मचाऱ्यांनी संपात‎ सहभागी हाेणार असल्याचे पत्र‎ दिलेले नसल्याचे वैद्यकीय‎ अधीक्षक डाॅ. विजय गायकवाड‎ यांनी सांगितले. त्यामुळे मेडिकल‎ काॅलेज व सिव्हिलमध्ये उपचारांवर‎ काेणताही परिणाम हाेणार नाही.‎

नागरी सुविधांवर परिणाम नाही, स्वच्छता नियमित‎
महापालिकेच्या १४०० कर्मचाऱ्यांनी संपाला पाठिंबा दिला आहे; परंतु‎ कर्मचारी प्रत्यक्षात संपात उतरणार नाहीत. त्यामुळे मनपाचे कामकाज सुरू‎ राहील. संपामुळे साफसफाई, नागरी सुविधांवर काेणताही परिणाम हाेणार‎ नाही. सफाई कामगार संघटनेचे अध्यक्ष अजय घेंगट यांनी संपाला पाठिंबा‎ असल्याचे सांगितले. काेणत्याही प्रकारे काम बंद ठेवले जाणार नाही.‎

आज होमगार्ड उघडणार जिल्हाधिकारी कार्यालय‎
महसूलचे जिल्ह्यात सुमारे दाेन‎ हजारावर कर्मचारी आहेत.‎ मंगळवारपासून ते बेमुदत संपावर‎ जातील. संपात किती कर्मचारी‎ सहभागी होतील याबाबत मंगळवारी‎ माहिती घेण्यात येणार आहे.‎ जिल्हाधिकारी कार्यालयात कंत्राटी‎ कर्मचारी कामावर असतील.‎ जिल्हाधिकारी कार्यालयासह‎ विविध शाखांची कार्यालये हाेमगार्ड‎ उघडतील. त्या अनुषंगाने जिल्हा‎ प्रशासनातर्फे तयार केलेली आहे.‎