दहावीची परीक्षा:विद्यार्थी सांगत राहिले, ही चुकीची‎ प्रश्नपत्रिका; पर्यवेक्षक मात्र ढिम्म‎

‎दहावीच्या परीक्षेचा सोमवारी इंग्रजी या ‎ ‎ विषयाचा पेपर झाला. शहरातील प. न.‎ लुंकड कन्या शाळेतील केंद्रावर मराठी ‎ ‎ माध्यमातील २४ विद्यार्थ्यांना काठिण्य‎ पातळी जास्त असलेल्या इंग्रजी‎ माध्यमाची प्रश्नपत्रिका दिली गेली. या‎ वेळी काही विद्यार्थ्यांनी हा प्रकार‎ सुपरवायझर यांच्या लक्षात आणून‎ दिला. मात्र, तरीदेखील दखल घेतली‎ गेली नसल्याचा आरोप विद्यार्थी व‎ पालकांनी केला. तर विद्यार्थ्यांनी पेपर ‎ ‎ सुटण्याच्या १० मिनिटे आधी हा प्रकार ‎ ‎ सांगितल्याचे मुख्याध्यापिका स्वाती नेवे‎ यांचे म्हणणे आहे.‎ नेवे यांनी सांगितल्यानुसार हा प्रकार ‎ ‎ उशिराने सांगितला. त्यानंतर बोर्डाला ‎ ‎ फोनवरून कळवले. या संदर्भात‎ अहवाल पाठवण्याचे आदेश बोर्डाने‎ केले आहेत. त्यानुसार अहवाल‎ पाठवला, असे त्यांनी सांगितले.

असा आहे दोन्ही विषयातील फरक‎
दहावीच्या इंग्रजी माध्यम आणि‎ सेमी व मराठी माध्यम या‎ विषयांत फरक आहे. इंग्रजी‎ माध्यमाच्या विद्यार्थ्यांना इंग्रजी‎ हा फर्स्ट लँग्वेज विषय असतो.‎ त्यांची काठिण्य पातळी जास्त‎ असते. मराठीत भाषांतर करा,‎ असा प्रश्न इंग्रजी माध्यमाला‎ नसतो. तर मराठी किंवा सेमी‎ इंग्रजी माध्यमातील विद्यार्थ्यांना‎ इंग्रजी थर्ड लँग्वेजचा विषय‎ असतो. त्याची काठिण्य पातळी‎ कमी असते. मराठीत‎ भाषांतरांचा प्रश्न त्यांना असतांे.‎

मुख्याध्यापिका नेवे यांना थेट प्रश्न‎
प्रश्न : मुलांनी प्रकार लक्षात आणून दिला‎ तरीही तातडीने दखल का घेतली नाही?‎ उत्तर : नाही. मुलांनी लागलीच ही चूक लक्षात‎ आणून दिली नाही. पेपर संपण्याच्या वेळी सांगितले.‎ अन्यथा उपाययोजना करता येणे शक्य झाले असते.‎ प्रश्न : चूक नेमकी कोणाची आहे असे वाटते?‎ उत्तर : वर्गावर असलेल्या पर्यवेक्षकाची ही चूक‎ असल्याचे म्हणता येईल. त्यांनी प्रश्नपत्रिकेवरील‎ कोड नंबर बारकाईने तपासून घ्यायला पाहिजे होता.‎ प्रश्न : लवकर हा प्रकार लक्षात आला असता‎ तर तुम्हाला काय करता आले असते?‎ उत्तर : माझ्यापर्यंत हा प्रकार तत्काळ आला असता,‎ तर विद्यार्थ्यांना प्रश्नपत्रिका बदलून देता आली‎ असती. पेपरची वेळ संपल्याने नाइलाज झाला.‎ प्रश्न : बोर्डाला तुम्ही काय कळवले आहे?‎ उत्तर : घडलेला प्रकार बाेर्डाला कळवून वस्तुनिष्ठ‎ अहवाल पाठवला आहे. यानंतर बोर्ड आदेश करेल,‎ त्याप्रमाणे आम्ही पुढील कार्यवाही करणार आहाेत.‎

केंद्र संचालक, उपसंचालक, पर्यवेक्षकांचा अहवाल‎
घडलेल्या प्रकारासंदर्भात‎ मुख्याध्यापिका स्वाती नेवे‎ यांच्याशी संपर्क साधला असता‎ त्यांनी माहिती दिली. केंद्र‎ संचालक, केंद्र उपसंचालक व‎ सुपरवायझर या तिघांचा लेखी‎ अहवाल नाशिक बोर्डाला‎ पाठवला आहे. हा अहवाल ८‎ मार्च रोजी नाशिक येथे‎ पोहोचेल. यानंतर बोर्ड ठरवेल‎ तशी कार्यवाही करू असे उत्तर‎ नेवे यांनी दिले. दरम्यान, या‎ प्रकाराने विद्यार्थ्यांच्या पालकांनी‎ तीव्र संताप व्यक्त केला आहे.‎ बाेर्डानेही दखल घेतली आहे.‎ विद्यार्थ्यांनी आेरड करताच जर‎ लक्ष दिले गेले असते तर हा‎ प्रकार राेखता येणे शक्य हाेते.‎

अशी केली पाहिजे‎ होती कार्यवाही‎
हा प्रकार पेपर सुरू झाल्यानंतर लागलीच लक्षात आला असेल तर संबंधित सुपरवायझरने केंद्र‎ संचालकांच्या निदर्शनास आणून दिला पाहिजे होता. खात्री केल्यानंतर बोर्डाच्या परवानगीने‎ विद्यार्थ्यांना प्रश्नपत्रिका बदलून देता आली असती. तसेच वेळही वाढवून देता आला असता.‎