एक एकरात काम:मन्यारखेड्यात इस्कॉन मंदिराचे‎ बांधकाम दीड वर्षात पूर्ण होणार‎

आंतरराष्ट्रीय कृष्णभावनामृत संघाच्या‎ ‘हरे कृष्ण’ या गौडिय वैष्णव‎ ‎ संप्रदायाच्या‎ ‎ धार्मिक संघटनेने‎ ‎ भुसावळ‎ ‎ रोडवरील‎ ‎ मन्यारखेडा‎ ‎ शिवारात एक‎ एकरच्या जागेवर श्रीकृष्णांच्या इस्कॉन‎ मंदिराचे काम सुरू केले आहे. या‎ जागेवर संत निवासासह किचनचे‎ काम ३० टक्के पूर्ण झाले असून, दीड‎ वर्षात मंदिराचे बांधकाम पूर्ण हाेणार‎ असल्याची माहिती मंदिराचे विश्वस्त‎ चैतन्य जीवनदास महाराज यांनी‎ ‘दिव्य मराठी’शी बोलताना दिली.‎ देशभरातील विविध शहरांप्रमाणे‎ जळगावातही भव्य इस्कॉन मंदिर‎ व्हावे, या उद्देशाने इस्कॉनच्या जुहू‎ (मंुबई) येथील संस्थेअंतर्गत‎ महामार्गाला लागूनच अर्ध्या‎ किलोमीटरवरील मन्यारखेड्यात‎ मंदिराच्या उभारणीचे काम सुरू आहे.‎

सुनील मंत्री यांनी संस्थेस मंदिरासाठी‎ ही जागा उपलब्ध करून दिली आहे.‎ इस्कॉन मंदिराचा फलकही या जागेवर‎ लावण्यात आला आहे. भाविकांच्या‎ देणगीमधून सध्या भक्त निवासासाठी‎ चार खोल्या, किचन, १०० भक्तासंाठी‎ सत्संग हॉल बांधण्यात आला आहे.‎ भक्तिमार्ग हा सर्वात महत्त्वाचा असे‎ ही संघटना मानते. हिंदू धर्माचे महत्त्व‎ आणि आध्यात्मिक जीवनातील‎ आनंद समजावण्याचे काम हरे कृष्ण‎ संप्रदाय करत असते. शहरातील‎ शंभरपेक्षा अधिक कुटुंबे या‎ संप्रदायाशी जुळली गेली आहेत.‎ पिंप्राळ्यात इस्कॉनचे २० वर्षांपासून‎ सेंटर सुरू आहे. या ठिकाणी वर्षभर‎ विविध कार्यक्रम हाेतात.‎

भाविकांचे सहकार्य‎
मंदिराच्या उभारणीस भाविकांकडून‎ उत्स्फूर्त सहकार्य मिळत आहे.‎ देणगीदारांच्या सर्वतोपरी मदतीतून हे‎ मंदिर उभारले जाणार आहे.‎ जिल्ह्यातील हे पहिले आकर्षक‎ इस्कॉन मंदिर असणार आहे.‎ इस्कॉनच्या विविधांगी कार्यात‎ युवकांचाही चांगला उत्स्फूर्त‎ प्रतिसाद मिळत आहे.‎

एक हजार भाविकांसाठी भव्य सभामंडप‎ उभारले जाणार आहे. मंदिरासाठी सुमारे‎ दीड कोटी रुपयांचा खर्च यासाठी अपेक्षित‎ असून भाविक व देणगीदारांच्या दातृत्वातून‎ ही कामे केली जाणार आहेत. मंदिरात‎ राधाकृष्णाच्या तीन फूट मूर्तीसह बलराम व‎ गौर निताईच्या आकर्षक मूर्ती असणार‎ आहेत. २४ फूट उंच घुमट हे मंदिराचे‎ वैशिष्ट असणार आहे. यासाठी आराखडा‎ निश्चित करण्यात आला आहे.‎