निवडणुक:माजी नगराध्यक्षा पुष्पा महाजनांसह‎ ज्ञानेश्वर महाजनांची अनामत जप्त‎

मजूर फेडरेशनसाठी रविवारी‎ झालेल्या निवडणुकीत २३१पैकी‎ २०८ मतदारांनी मतदानाचा हक्क‎ बजावला. सर्वसाधारण गटासाठी‎ १६ उमेदवार बिनविराेध झालेले‎ असल्याने सर्वसाधारण‎ (धरणगाव), इतर मागासवर्गीय व‎ महिला राखीव या तीन‎ मतदारसंघांसाठी मतदान झाले.‎ धरणगावच्या माजी नगराध्यक्षा‎ रत्नाबाई (पुष्पा) ज्ञानेश्वर महाजन‎ व त्यांचे पती ज्ञानेश्वर भादू महाजन‎ यांनी तिन्ही मतदारसंघात उमेदवारी‎ अर्ज दाखल केल्याने ही निवडणूक‎ प्रतिष्ठेची झाली हाेती. मात्र या‎ दांपत्याला तिन्ही ठिकाणी केवळ‎ एकमेव मत मिळाल्याने त्यांच्यावर‎ ‘डिपाॅझिट’ जप्त हाेण्याची वेळ‎ आली. या दाेघांनी मतदानाचा‎ हक्कच बजावलेला नसल्याने त्यांना‎ मिळालेले मतही प्रत्यक्षात त्यांचे‎ नाही.

स्वातंत्र्य चौकातील‎ कार्यालयात मतदान झाले. ज्ञानेश्वर‎ महाजन यांनी जनरल (धरणगाव)‎ व इतर मागासवर्गीय या दाेन‎ मतदारसंघातून अर्ज दाखल केला‎ हाेता. सर्वसाधारण (धरणगाव)‎ मध्ये ते दिलीप उत्तमराव धनगर‎ यांच्या विराेधात उभे हाेते. त्यांना‎ एक मत तर दिलीप धनगर यांना‎ २०७ मते पडून ते विजयी झाले. इतर‎ मागासवर्गीय मतदार संघात‎ ज्ञानेश्वर महाजन हे राेहिदास‎ मधुकर पाटील यांच्या विराेधात उभे‎ हाेते. येथेही महाजन यांना केवळ‎ एक मत मिळाले. तर २०६ मतांसह‎ राेहिदास पाटील हे विजयी झाले.‎ महिला राखीव मतदारसंघात पुष्पा‎ महाजन यांना एक मत मिळाले. १९९‎ मतांसह महिला काँग्रेस जिल्हाध्यक्षा‎ सुलोचना वाघ दुसऱ्यास्थानी हाेत्या .‎ तर राष्ट्रवादी महिला महानगराध्यक्ष‎ मंगला पाटील यांना २०६ मते‎ मिळाल्याने त्या विजयी झाल्या.
‎
अनेक मतदार आले कारने‎
मजुरांच्या संस्थांचे सदस्य असलेले‎ अनेक प्रतिष्ठित मतदार आपल्या‎ लक्झरी कारमधून मतदानासाठी मतदान‎ केंद्रावर दाखल झाले हाेते. तर ग्रामीण‎ भागातून मतदारांसाठी वाहनाची व्यवस्था‎ केल्याचे पाहायला मिळाले. निवडणूक‎ निर्णय अधिकारी म्हणून मंगेशकुमार‎ शहा यांनी तर सहायक निवडणूक‎ अधिकारी म्हणून अजित पाटील यांच्या‎ नेतृत्वाखाली विक्रांत म्हस्के, उपनिबंधक‎ कार्यालयाच्या कर्मचाऱ्यांनी काम‎ पाहिले. मतमाेजणी शांततेत पार पडली.‎