तापमान‎ वाढ:आठवडाभरात किमान‎ तापमान 6 अंश वाढले‎

मार्चच्या पहिल्याच आठवड्यात‎ किमान तापमानात वाढ झाली आहे.‎ १० अंश सेल्सिअसवर असलेले‎ किमान तापमान २ मार्च राेजी १६‎ अंश सेल्सिअसवर गेल्याने रात्रीचा‎ गारठा हरवला आहे. दिवसा कमाल‎ तापमानाचा पारा ३५.५ अंशावर‎ असताना किमान तापमानही‎ वाढल्याने थंडीची तीव्रता पूर्णपणे‎ कमी झाली आहे.‎ फेब्रुवारी महिन्यात किमान‎ तापमान निच्चांकी आणि कमाल‎ तापमान उच्चांकी पातळीवर हाेते.‎

मार्च महिन्यात कमाल आणि‎ किमान तापमानात वाढ झाली आहे.‎ किमान तापमानात सहा अंश‎ सेल्सिअसने वाढ झाल्याने रात्रीच्या‎ वेळी २ मार्च राेजी पहाटे हवेतील‎ गारवा कमी झालेला हाेता. या‎ आठवड्यात किमान तापमान १७‎ अंशापुढे राहण्याची शक्यता आहे.‎ २८ फेब्रुवारीपासून राज्यात‎ वातावरण ढगाळ आहे. हवामान‎ विभागाच्या अंदाजानुसार ४ आणि‎ ५ मार्च राेजी ढगांची तीव्रता अधिक‎ वाढेल. खान्देशात तुरळक ठिकाणी‎ अवकाळी पाऊस हाेवू शकताे.‎ ढगाळ वातावरणामुळे उन्हाची‎ तीव्रता कमी झालेली असेल. तरी‎ उकाडा मात्र जाणवणार आहे.‎