अपघात:आेव्हरटेक करणाऱ्या दुचाकीला बसची धडक‎

आेव्हरटेक करणाऱ्या ट्रीपलसीट‎ दुचाकीस्वारांना वाचवताना‎ समोरून येणाऱ्या बसची धडक‎ लागल्याने झालेल्या अपघातात‎ दुचाकीवरील दाेन जण जखमी‎ झाले आहे. यातील एक गंभीर‎ असून, त्याला खासगी रुग्णालयात‎ दाखल केले आहे. दुसऱ्या‎ जखमीवर जीएमसी रुग्णालयात‎ उपचार सुरू आहेत. हा अपघात‎ रविवारी सकाळी १०.४५ वा. टीव्ही‎ टाॅवरजवळ घडला.‎

पाळधी येथे मित्राच्या लग्नासाठी‎ नाडगाव (ता. बोदवड) येथील‎ कडू बाविस्कर (वय २७), भुरा‎ बाळू राजपूत व अन्य एक जण‎ माेटारसायकलने (क्र. एमएच १२-‎ जीक्यू ५४७) रविवारी सकाळी‎ निघाले. कडू हा दुचाकी चालवत‎ हाेता. टीव्ही टॉवरजवळ आेव्हरटेक‎ करताना जळगावहून भुसावळकडे‎ जाणारी भरधाव बस (क्र. एमएच‎ १४ बीटी ००९८) समाेर आली.‎ दुचाकीला वाचवण्याच्या प्रयत्नात‎ बस रस्त्याच्या कडेला उतरली. ‎ ‎ प्रवाशांना किरकाेळ दुखापत झाली‎ तर दुचाकीस्वार कडू बावस्कर व‎ भुरा राजपूत जखमी झाले आहेत.‎

‎वृद्धेचे पाकीट हरवले : अपघातात बसमधील उषाबाई मधुकर धनगर‎ (रा. बांभाेरी) या वृद्धेचे पाकीट गहाळ झाले. ती जळगावहून भुसावळला‎ नातेवाइकांकडे निघाली हाेती. अपघात झाल्यानंतर ती नशिराबादहून‎ घटनास्थळी परत आली. पाकिटात १ हजार रुपये राेख, आधारकार्ड हाेते.‎