चर्चा‎:सांडव्यापर्यंत पाइपलाइन टाकून‎ सांडपाण्याचा प्रश्न साेडवणार‎

मेहरूण तलावात िशरणारे सांडपाणी‎ राेखण्यासाठी प्रक्रिया प्रकल्पाला‎ प्रतिसाद मिळत नसल्याने विषय‎ मागे पडला आहे. त्याला पर्याय‎ म्हणून थेट तलावाच्या मध्य‎ भागातून सांडव्यापर्यंत पाइपलाइन‎ टाकून सांडपाणी वाहून नेण्याचे‎ विचाराधीन आहे. या संदर्भात दाेन्ही‎ मंत्री, आमदार व मनपातील‎ लाेकप्रतिनिधींशी चर्चा करून‎ अंतिम निर्णय घेतला जाणार आहे.‎

मेहरूण तलावात परिसरातील‎ सांडपाणी वाहून येत असल्याने‎ जलप्रदूषण वाढले आहे. या संदर्भात‎ मनपाने आॅगस्ट महिन्यात सर्वेक्षण‎ केले हाेते. त्यात शिरसाेलीराेड व‎ माेहाडीराेड परिसरातील अकरा‎ सर्व्हेमधून सांडपाणी तलावात जात‎ असल्याचे निष्पन्न झाले हाेते. यावर‎ पर्याय म्हणून सांडपाणी जमिनीत‎ जिरवणे, सांडपाण्यावर प्रक्रिया ‎,‎ तलावाच्या काठावर भुयारी गटार‎ उभारण्यावर विचार सुरू हाेता.‎

तलावात पाण्याखालून पाइपलाइनची तयारी‎
तलावात तीन ठिकाणी सांडपाणी‎ शिरते. त्यामुळे सांडपाणी एकाच‎ ठिकाणी आणले जाणार आहे. त्या‎ ठिकाणावरून तलावाच्या मध्य‎ भागातून पाण्याखाली पाइपलाइन‎ टाकून त्यातून सांडव्यापर्यंत‎ सांडपाणी वाहून नेण्यात येणार आहे.‎ यासंदर्भात पाण्याखाली जलवाहिनी‎ टाकण्याचा अनुभव असलेल्या जैन‎ इरिगेशन कंपनीशी चर्चा झाली‎ आहे. या कंपनीच्या माध्यमातून हे‎ काम करण्याचे नियाेजन सुरू आहे.‎ कंपन्यांचा सीएसआर फंडाचा वापर‎ करण्याचा विचार सुरू आहे.‎ तलावातून पाइपलाइन टाकण्याचा‎ अंतिम निर्णय पालकमंत्री गुलाबराव‎ पाटील, गिरीश महाजन, आमदार‎ सुरेश भाेळे, महापाैर जयश्री महाजन‎ व मनपा पदाधिकाऱ्यांशी चर्चा‎ करून घेतला जाणार असल्याच्या‎ वृत्ताला आयुक्त डाॅ. विद्या‎ गायकवाड यांनी दुजाेरा दिला आहे.‎