नागरिक हैराण:दाेन महिन्यांपूर्वी केलेला रस्ता‎ व्हाॅल्व्ह टाकण्यासाठी खाेदला‎

‘सहा महिन्यांपूर्वी पाण्याच्या‎ पाइपलाइनचे काम झाले. आता रस्त्याच्या कामाला‎ सुरुवात करण्यास हरकत नाही’,असे लिखित‎ स्वरूपात देऊन मनपाचे अभियंते पाइपलाइनवर‎ व्हाॅल्व्ह टाकण्याचे विसरून गेल्याने दाेन‎ महिन्यांपूर्वी बनवलेला गिरणा टाकी ते शासकीय‎ इंजिनिअरिंग काॅलेज दरम्यानचा रस्ता खाेदावा‎ लागला. तालुका पाेलिस ठाण्याच्या जवळील‎ रस्ताही असाच खाेदला गेला आहे.

मंगळवारी‎ काव्यरत्नावली ते महाबळ दरम्यानचा रस्ता खाेदण्यास सुरुवात झाली. शहरातील रस्त्यांच्या‎ दुरवस्थेने नागरिक हैराण झालेले असताना अमृत पाणीपुरवठा व‎ भुयारी गटारींचे कारण पुढे करून स्वत:चा दाेष लपवून माेकळे‎ हाेणारे महापालिकेचे अभियंते चक्क पाइपलाइनवर व्हाॅल्व्ह‎ टाकणेच विसरले.

गेल्या आठवड्यात हे व्हाॅल्व्ह आल्यानंतर‎ अधिकाऱ्यांना ते टाकण्याची उपरती झाली. गेल्या चार दिवसांपूर्वी‎ गिरणा टाकी ते इंजिनिअरिंग काॅलेज दरम्यानच्या रस्त्यावर किमान‎ चार ते पाच ठिकाणी व्हाॅल्व्ह टाकण्यासाठी दीड ते दाेन फूट‎ व्यासाचे खड्डे खाेदले आहेत. गिरणा टाकी रस्ता व निमखेडी‎ परिसरात व्हाॅल्व्हसाठी नव्या रस्त्यांवर केलेल्या खाेदकामामुळे या‎ रस्त्याच्या दुरुस्तीसाठी किमान लाख ते दीड लाख रुपयांचा खर्च‎ लागेल. रस्ता पुन्हा खाेदण्यास काेण जबाबदार? याबाबत‎ महापालिकेचे पाणीपुरवठा अभियंता संजय नेमाडे यांना विचारले‎ असता, त्यांनी मक्तेदाराने व्हाॅल्व्हसाठी साेडलेले खड्डे बुजून‎ टाकल्याने खाेदकाम करावे लागल्याचे सांगितले.‎

सार्वजनिक बांधकामचे पत्र‎
सार्वजनिक बांधकाम विभागाच्या नियंत्रणाखाली‎ मक्तेदाराकडून शहरातील प्रमुख रस्ते बनवले जात आहेत.‎ त्यासाठी सहा महिन्यांपूर्वीच महापालिकेने त्या रस्त्यांवरील‎ आनुषंगिक काम पूर्ण झाले आहे. रस्ता पूर्ण करण्यास हरकत‎ नसल्याचे नाहरकत पत्र दिल्यानंतरही रस्ते खाेदकाम केले जात‎ असल्याबाबत दाेन दिवसांपूर्वीच महापालिकेला पत्र दिले आहे.‎ - गिरीश सूर्यवंशी, उपअभियंता, सार्वजनिक बांधकाम विभाग‎‎