अपघात:रुग्णवाहिकेच्या धडकेत दुचाकीस्वार गंभीर जखमी; रात्री 10 वाजता नशिराबादजवळ झाला अपघात

भुसावळवरून रुग्णाला जळगावात आणणाऱ्या १०८ क्रमांकाच्या रुग्णवाहिकेने दुचाकीला धडक दिली. त्यात दुचाकीस्वार गंभीर जखमी झाला. शुक्रवारी रात्री १० वाजता नशिराबाद उड्डाणपुलाखाली हा अपघात झाला. रुग्णवाहिकेने (क्र. एमएच १४ सीएल ०८०१) चालकाने विरूध्द दिशेने समोरून येणाऱ्या दुचाकीस्वाराला (क्र. एमपी ०९ एक्सएफ ७२२२) जोरदार धडक दिली. या अपघातात दुचाकी चालक रोशन कुमार (वय २४, रा. बिहार) याला गंभीर दुखापत झाली. अपघातामुळे राष्ट्रीय महामार्गावर वाहनांच्या रांगा लागल्या होत्या. पाेलिसांनी जखमीला रुग्णालयात हलवून वाहतुक सुरळीत केली.