निवेदन‎:कारवाईच्या‎ मागणीसाठी‎ आंदोलनाचा‎ इशारा; ‎शेंदुर्णीच्या सीओंविरुद्ध‎ पहूर पोलिसांना निवेदन‎

नगरपंचायतीचे मुख्यधिकारी‎ हे जातीय सलोखा बिघडवण्याचा‎ प्रयत्न करत असल्याचा आरोप ‎ ‎ शिवसेना पदाधिकाऱ्यांनी केला. पोलिसांनी वेळीच कारवाई करावी, ‎ ‎ अन्यथा लोकशाही मार्गाने शिवसेना ‎ ‎ आंदोलन उभारेल असा इशारा निवेदनातून दिला. पोलिस निरीक्षक ‎ ‎ प्रताप इंगळे यांना निवेदन दिले.‎ शेंदुर्णी नगरपंचायतीच्या‎ लेटरपॅडवरील मुख्याधिकाऱ्यांच्या‎ सहीचे धमकीचे पत्र काहींना‎ शेंदुर्णीत पोस्टाद्वारे ७ जूनला मिळाले‎ होते. याबाबत जळगाव नियोजन‎ मंडळाचे संजय गरुड यांनी पत्र‎ पाठवल्यावर, मुख्याधिकाऱ्यांनी‎ याबाबत पत्र दिले नसल्याचा‎ खुलासा केला.

तसेच‎ नगरपंचायतीने मुख्याधिकाऱ्यांच्या‎ आदेशानुसार झेंडे व बॅनर काढले.‎ त्यामुळे जातीय सलोख्याला बाधा‎ निर्माण होत असल्यानचे‎ शिवसैनिकांनी निवेदनात नमूद केले‎ आहे. तसेच दखल न घेतल्यास‎ शिवसेना आपल्या पद्धतीने‎ आंदोलन करणार असल्याचा इशारा‎ ‎ दिला. पहूर पोलिस स्टेशनला‎ निवेदन देताना, शेंदुर्णी शहरप्रमुख‎ संजय सूर्यवंशी, विलास बारी,‎ अशोक बारी, जय हरी, भूषण‎ बडगुजर, युवासेना शहर अधिकारी‎ अजय भोई, प्रवीण चौधरी, सागर‎ चौधरी, पांडुरंग पाटील, सागर बारी,‎ गणेश पांढरे यांच्यासह‎ शिवसैनिकांची उपस्थिती होती.‎

पत्रावरील माझी स्वाक्षरी बनावट, मीच तक्रार दिली‎ जिल्हाधिकारी व पोलिस अधीक्षकांच्या आदेशानेच शेंदुर्णी नगरपंचायत‎ हद्दीतील बेकायदेशीर फलक व झेंडे काढण्यासाठी कर्मचारी गेले होते. परंतु‎ नागरिकांचा विरोध झाल्याने कारवाई थांबवण्यात आली. त्यामुळे सामाजिक‎ तेढ निर्माण करण्याचा प्रश्नच येत नाही. तसेच माझ्या बनावट सहीने‎ नगरपंचायतीच्या लेटरपॅडवर गावातील काही नागरिकांना चुकीचे पत्र दिल्या‎ प्रकरणी मी स्वतः पहूर पोलिस ठाण्यात तक्रार दिली आहे.‎ साजिद पिंजारी, मख्याधिकारी, शेंदुर्णी‎