आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Jalgaon
  • Without A Deficit Of 56.1 Per Cent In The First Three Weeks Of June; The Rainfall Till June 20 Was 46.3 Mm Less Than Last Year |marathi News

लहरी मान्सून:जूनच्या पहिल्या तीन आठवड्यात‎ पावसाची तब्बल 56.1 टक्के तूट‎न; गेल्या वर्षीच्या तुलनेत 20 जूनपर्यंत 46.3 मिमी कमी बरसला‎

जळगाव‎11 दिवसांपूर्वी
  • कॉपी लिंक

दरवर्षीपेक्षा यंदा महाराष्ट्रात लवकर ‎ ‎ मान्सून दाखल होणार असल्याने ‎ शेतकरी वर्गात उत्साह होता; परंतु ‎ ‎ प्रत्यक्षात जून महिन्याच्या पहिल्या‎ तीन आठवड्यात पावसाची तब्बल ‎५६.१ टक्क्यांनी तूट निर्माण झाली‎ आहे. या तीन आठवड्यात‎ जिल्ह्यात अवघा ३४.४ मिमी पाऊस ‎झाला असून गेल्या वर्षीच्या तुलनेत ‎४६.३ मिमी पाऊस कमी झाला‎ आहे.‎ जळगाव जिल्ह्यात जून महिन्यात‎ १ ते २० जून दरम्यान सरासरी ८२.५‎ मिमी ऐवढा पाऊस होतो. गेल्या वर्षी ‎ ‎ याच तारखेपर्यंत जिल्ह्यात ८०.७‎ टक्के म्हणजेच सरासरीच्या ९७.८‎ टक्के पाऊस झाला होता.

पहिल्या‎ आठवड्यात ५, ६ आणि ८ जुन‎ रोजी दमदार पाऊस झाला. तर १७ ते‎२० जून दरम्यान सलग चार दिवसात‎ जोरदार पाऊस झाला होता. २३‎ जूनपासून मात्र पावसाने ९ जुलैपर्यंत‎ दडी मारली होती. यावर्षी पहिल्या‎ पंधरवड्यात पावसाने सपशेल‎ फिरविली आहे. जिल्ह्यात १२ जून‎ रोजी पहिल्यांदा पूर्वमोसमी पावसाने‎ हजेरी लावली होती. त्यानंतर गेल्या‎ चार दिवसात पावसाने तुरळक‎ हजेरी लावत सरासरी ३४.५ मिमीचा‎ टप्पा पूर्ण केला आहे. २०‎ जुनपर्यंतच्या सरासरीनुसार हा‎ पाऊस केवळ ४१.७ टक्के एवढाच‎ असून ५६.१ टक्यांची पावसाची तूट‎ निर्माण झाली आहे.‎

पाऊस काेसो दूर अन् तापी नदीला पूर‎ तीन वर्षापासून जूनच्या दुसऱ्या पंधरवाड्यानंतर जिल्ह्यात पावसाला सुरूवात‎ होते ; परंतु तापी नदीला मात्र जुनच्या पहिल्याच पंधरवड्यात पाणी सोडावे‎ लागते. मध्य प्रदेशात पाऊस झाल्याने हतनूर प्रकल्पातून पाणी सोडावे लागते.‎ पाऊस नसतांना १४ जुन २०२० रोजी हतनूरचे १४ दरवाजे उघडून पाणी‎ सोडण्यात आले होते. मागील वर्षी १२ जून २०२१ रोजी देखील ८ दरवाजे‎ पूर्णपणे उघडून तापीत पाणी सोडण्यात आले होते. यावर्षी देखील १७ जून‎ रोजी चार दरवाजे उघडून हतनूरमधून पाणी सोडण्यात आले आहे.‎

पर्जन्य कमी पण‎ पाणीसाठा अधिक‎ गेल्या वर्षी २० जूनपर्यंत‎ जिल्ह्यातील प्रकल्पांमध्ये एकूण‎ ३०.५४ टक्के जलसाठा शिल्लक‎ होता. यात मोठे प्रकल्प ३५ टक्के,‎ मध्यम २६ टक्के आणि लघू‎ प्रकल्पात ८ टक्के साठा होता.‎ यावर्षी याच दिवशी धरणांमध्ये‎ ३४.१३ टक्के जलसाठा आहे.‎ त्यात माेठ्या प्रकल्पात ३९ टक्के,‎ मध्यम प्रकल्पात २६ टक्के आणि‎ लघु प्रकल्पांमध्ये १२ टक्के‎ जलसाठा शिल्लक आहे.‎

खरीपाच्या पेरण्यांवर परिणाम ... यंदा दमदार पाऊस न झाल्याने‎ अजूनही अनेक ठिकाणी पेरण्या खोळंबल्या आहेत. पावसाची पुरेशी ओल‎ झाल्याशिवाय शेतात पेरणी करता येत नाही. पेरणीसाठी शेतकरी चांगल्या‎ पावसाची प्रतिक्षा करीत आहेत. तर लागवड होत असलेल्या कापसाची मात्र‎ कोरड्यात लागवड करण्यात आली आहे. त्यामुळे दाेन्ही शेतकऱ्यांची‎ पावसाने चिंता वाढवली आहे

बातम्या आणखी आहेत...