दिव्य राठी विशेष:सडपातळ होण्याच्या चुकीच्या पद्धतीने तरुणींमध्ये जडतोय अॅनोरेक्सिया, १० टक्के रुग्णांमध्ये लक्षणे; क्षयरोग, वंध्यत्वासारख्या गंभीर आजारांना मिळतेय आमंत्रण

मी किती जाड झालीय ना... मला अजून थोडं बारीक झालं पाहिजे म्हणजे परफेक्ट फिगर वाटेल. मुलगी वयात आली की जसे आरशासमोर उभे राहून होणारे संवाद अगदी कॉमन असतात. त्यामुळेच तर झिरो फिगरची तरुणींमध्ये क्रेझ वाढली असून बारीक होण्यासाठी चुकीच्या पद्धतीचा अवलंब केला जात असल्याने विविध आजार उद्भवत आहे. परदेशातील मुलींमध्ये दिसून येणार अॅनोरेक्सिया या आजाराचे रुग्ण हा जळगाव जिल्ह्यातही आढळून येत आहे. १०० मध्ये किमान १० रुग्ण असे असतात.

ही आहेत आजाराची लक्षणे
एखाद्या व्यक्तीला वजन वाढण्याची किंवा जाड होण्याची भीती वाटत रहाते. क्षुधानाश झालेल्या व्यक्ती त्यांचे जेवण कमालीचे कमी करतात. त्यांच्या खाण्याच्या पद्धतीही विचित्र होत जातात. जेवणाचे छोटे तुकडे करणे किंवा ते ताटामध्ये फिरवणे, धावपळीचा दिवस असो की तब्येत खराब असो तरीही व्यायाम करणे, लघवी होण्यासाठी गोळ्या घेणे, भूक कमी होण्यासाठी गोळ्या घेणे.

विकाराचे हे आहेत दुष्परिणाम