आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रतिपादन:तरुणांनाे, यशस्वी उद्योजक बनण्यासाठी‎ मिळेल ते काम करायची तयारी ठेवा‎

जळगाव‎एका महिन्यापूर्वी
  • कॉपी लिंक

तरुणांनाे, उद्योजक होण्यासाठी‎ सर्जनशीलता, लोकांना जोडण्याची‎ कला, जिद्द, चिकाटी आणि पडेल ते‎ काम करण्याची तयारी या गुणांची‎ आवश्यकता आहे. त्यामुळे‎ नवउद्योजकांनी हे गुण आत्मसात‎ करण्याची गरज असल्याचे‎ प्रतिपादन उद्योजक प्रमोद संचेती‎ यांनी केले.‎ कवयित्री बहिणाबाई चौधरी उत्तर‎ महाराष्ट्र विद्यापीठाच्या इनोव्हेशन‎ इन्क्युबेशन अँड लिंकेजेस केंद्रातर्फे‎ नवउद्योजकांसाठी तीन दिवसीय‎ निवासी कार्यशाळा झाली.

या वेळी‎ प्रमुख पाहुणे म्हणून संचेती बोलत‎ होते. अध्यक्षस्थानी कुलगुरू प्रा.‎ व्ही. एल. माहेश्वरी हे होते. भारतीय‎ स्वातंत्र्याच्या अमृत महोत्सवानिमित्त‎ या केंद्रातर्फे आजी-माजी‎ विद्यार्थ्यांकडून उद्योग सुरू‎ करण्याबाबत सर्जनशील कल्पना‎ मागवण्यात आल्या होत्या.

प्राप्त ७७‎ प्रवेशिकांमधून २३ विद्यार्थ्यांची‎ निवड विद्यापीठाने केली. २३‎ विद्यार्थ्यांना विद्यापीठातर्फे उद्योग‎ सुरू करण्याबाबत २ ते ४ जानेवारी‎ या कालावधीत प्रशिक्षण देण्यात‎ येणार आहे. सोमवारी कार्यशाळेचे‎ उद्घाटन कुलगुरू प्रा. व्ही. एल.‎ माहेश्वरी यांच्या हस्ते करण्यात‎ आले. या वेळी संचेती म्हणाले की,‎ अपयश प्राप्त होऊन देखील‎ उद्योजक व्हायचे हे स्वप्न‎ डोळ्यासमोर असल्यामुळे उद्योजक‎ होऊ शकलो. बाजारपेठेतील गरजा‎ आणि बदलते स्वरूप लक्षात घेऊन‎ काय करायचे हे निश्चित करा.‎ यशस्वी उद्योजक होण्याचे स्वप्न‎ पहा, नफा कुठे मिळतो याचा‎ अभ्यास करा असे सांगितले.‎ कुलगुरू प्रा. व्ही. एल. माहेश्वरी‎ यांनी भारतीय मानसिकता ते‎ भारतीय बाजारपेठ असा प्रवास‎ सांगताना उद्योग क्षेत्रातील नव्या‎ कल्पना आत्मसात करा. उपल्बधता‎ आणि समानता याव्दारे गरीब आणि‎ श्रीमंतामधील दरी भरून काढण्याचा‎ प्रयत्न धोरण तयार करणाऱ्यांकडून‎ केला जात आहे.

अशावेळी‎ सर्जनशीलतेला खूप महत्त्व आले‎ आहे. सर्जनशीलता आणि कल्पना‎ यावर आता मोठ्या शहरांची आणि‎ मोठ्या शैक्षणिक संस्थाची मक्तेदारी‎ राहिलेली नाही. छोट्या शहरांमधून‎ देखील या कल्पना पुढे येत आहेत‎ असे सांगून उद्योजक होण्यासाठी‎ ध्येय निश्चिती, दृष्टिकोन हे गुण‎ महत्त्वाचे असल्याचे ते म्हणाले.‎

प्रास्ताविक प्रारंभी इनोव्हेशन‎ इन्क्युबेशन अँड लिंकेजेस केंद्राचे‎ संचालक डॉ. राजेश जावळीकर‎ यांनी केले. संचालक प्रा. भूषण‎ चौधरी यांनी उद्योजकीय कल्पना‎ मागवण्यामागची संकल्पना स्पष्ट‎ केली. दुपारच्या सत्रात उद्योजक‎ छबीराज राणे, डॉ. विवेक काटदरे,‎ डॉ. युवराज परदेशी यांनी मार्गदर्शन‎ केले. समन्वयक सागर पाटील यांनी‎ सूत्रसंचालन केले. संचालक डॉ.‎ विकास गीते यांनी आभार मानले.‎

बातम्या आणखी आहेत...