पदभरती:जिल्हा परिषद भरतीसाठी‎ आता लेखी परीक्षा हाेणार‎,  10 टक्के ग्रामपंचायत तर 20 टक्के अनुकंपाची भरती‎

राज्यातील जिल्हा‎ परिषदांमधील रिक्त पदांची कर्मचारी‎ भरती करण्यासाठी घेण्यात येणाऱ्या‎ संभाव्य लेखी परीक्षेचे स्वरूप जाहीर‎ करण्यात आले आहे. यानुसार या‎ भरतीसाठी स्पर्धा परीक्षेच्या धर्तीवर‎ प्रश्‍नपत्रिका काढण्यात येणार आहे. या‎ परीक्षेसाठी संवर्गनिहाय वेगवेगळ्या‎ प्रश्‍नपत्रिका असतील.

या परीक्षेसाठी‎ दहावी, बारावी, पदवी व संबंधित पदांच्या‎ व्यावसायिक अभ्यासक्रमांवर आधारित‎ प्रश्न विचारले जाणार आहेत.

रिक्त जागा भरणार

या परीक्षेद्वारे‎ राज्यात १८ हजार तर जळगाव जिल्ह्यात‎ ६१२ रिक्त जागा भरल्या जातील.‎ मराठी, इंग्रजी, सामान्यज्ञान, गणित,‎ बुद्धिमापन आणि तांत्रिक विषयांशी‎ संबंधित प्रश्न असणार आहेत. त्यात‎ प्रत्येकी दोन गुणांचे १०० प्रश्‍न असतील.‎ यासाठी दोन तासांचा कालावधी दिला‎ जाणार असल्याचे ग्रामविकास विभागाने‎ जाहिर केले आहे.

या कर्मचाऱ्यांच्या‎ भरतीसाठीच्या संभाव्य परीक्षेसाठीचा ‎अभ्यासक्रम तयार करण्यासाठी‎ ग्रामविकास खात्याने विविध सहा‎ राज्यस्तरीय समित्यांची स्थापना केली‎ होती. समितील अधिकाऱ्यांची कार्यशाळा‎ नुकतीच झाली. यामध्ये संभाव्य परीक्षेचे‎ स्वरूप, अभ्यासक्रम, प्रश्‍नांची काठिण्य‎ पातळी, प्रश्‍नांची संख्या, एकूण गुण आदी‎ मुद्द्यांवर चर्चा करण्यात आली.

भरतीची जाहिरात

जळगाव जिल्हा परिषदेत गट ‘क’मध्ये १६‎ संवर्गातील अंदाजित ६१२ पदे सरळ सेवेने‎ भरण्यात येणार आहेत. आयबीपीएस या‎ कंपनीशी सामंजस्य करार होऊन‎ संकेतस्थळावर या भरतीची जाहिरात‎ प्रसिद्ध करण्यात येणार आहे. यासोबतच‎ एकूण रिक्त पदांच्या १० टक्के पदे‎ ग्रामपंचायत कर्मचाऱ्यांतून तर २० टक्के पदे‎ अनुकंपाची या भरती प्रक्रिया दरम्यानच‎ भरण्यात येणार आहेत.

रिक्त पदे १५‎ ऑगस्टपूर्वी भरण्याच्या सूचना शासनाने‎ दिल्या आहेत. अर्ज दाखल केल्यापासून‎ परीक्षेपर्यंत उमेदवारांना येणाऱ्या‎ अडीअडचणी सोडवण्यासाठी जिल्हा‎ परिषदेने ०२५७-२२२४२५५ हेल्पलाइन‎ क्रमांक उमेदवारांसाठी सुरू केला अाहे.‎

अशी असणार परीक्षा‎

विषय प्रश्न गुण‎ मराठी १५ ३०‎ इंग्रजी १५ ३०‎ सामान्यज्ञान १५ ३०‎ गणित, बुद्धिमापन १५ ३०‎ तांत्रिक प्रश्‍न ४० ८०‎ एकूण १०० २००‎

परीक्षेसाठी चार प्रकार निश्चित‎

सर्व जिल्हा परिषदांमधील मिळून कर्मचाऱ्यांच्या‎ १८ हजार ९३९ जागा रिक्त आहेत. कर्मचारी‎ भरतीसाठी घेण्यात येणाऱ्या परीक्षेसाठी चार प्रकार‎ निश्चित केले आहेत. या प्रकारांना अनुक्रमे अ, ब‎ १, ब २ आणि ‘क’ अशी नावे देण्यात आली‎ आहेत. यापैकी पहिल्या प्रकारात ११ पदे, दुसऱ्या‎ प्रकारात १० पदे, तिसऱ्या प्रकारात एक व चौथ्या‎ प्रकारात १७ अशी एकूण ३९ पदे भरली जातील.‎