अपघात:गाणगापूर दर्शन घेऊन येणाऱ्या भाविकांच्या कारची सांगलीमध्ये डंपरला धडक; एकाच कुटुंबातील 5 ठार

सांगली जिल्ह्यात जतमध्ये शुक्रवारी मध्यरात्री झालेल्या अपघातात पाच जणांचा मृत्यू झाला आहे. विजापूर- गुहाघर मार्गावरील अमृतवाडी फाट्याजवळ हा अपघात झाला.

रस्त्याच्या कडेला उभ्या असणाऱ्या डंपरला कारने धडक दिल्याने एकाच कुटुंबातील पाच जणांचा मृत्यू झाला. मृतांमध्ये आजी, आजोबा, सून, नात असल्याची माहिती समोर येत आहे.

सांगलीतील जतमध्ये राहणारे कुटुंब गाणगापूर येथे दर्शन घेऊन येत होते. यावेळी जतपासून पाच किलोमिटरच्या अंतरावर असणाऱ्या अमृतवाडी फाट्यावर समोर येणाऱ्या ट्रकपासून वाचण्यासाठी कारचालकाने गाडी बाजूला घेण्याचा प्रयत्न केला. मात्र, त्यावेळी रस्त्याच्या कडेला असलेल्या डंपरला जोरात धडक बसून कारमधील पाच जणांचा मृत्यू झाला.