आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सीमा भागातील मराठी लोकांवरील हल्ल्यांमागे भाजप:सीएम शिंदे गप्प का? थोरातांचा सवाल, म्हणाले- तत्काळ सर्वपक्षीय बैठक बोलवा

मुंबई2 महिन्यांपूर्वी
  • कॉपी लिंक

सीमा भागात कर्नाटकातून मराठी बांधवांवर होत असलेले हल्ले अत्यंत गंभीर असून सीमा प्रश्नाने वेगळे वळण घेतले आहे. महाराष्ट्र कर्नाटकची अशा प्रकारची दंडेली सहन करणार नाही. सीमाप्रश्नावर महाराष्ट्रातील विरोधी पक्ष चिंता व्यक्त करुन मराठी बांधवांच्या पाठीशी उभे राहिले पण मुख्यमंत्री मात्र गप्पच आहेत. सीमा प्रश्नावर महाराष्ट्राची भूमिका काय आहे? पुढचे धोरण काय असेल ? यासाठी मुख्यमंत्र्यांनी तातडीने सर्वपक्षीय बैठक बोलवावी, अशी मागणी काँग्रेस विधीमंडळ पक्षनेते बाळासाहेब थोरात यांनी आज केली आहे.

यामागे भाजपचा हात

टिळक भवन येथे प्रसार माध्यमांशी बोलताना बाळासाहेब थोरात म्हणाले की, सीमा भागात मराठी लोकांवर होत असलेल्या हल्ल्यांमागे भारतीय जनता पक्ष असून यामागे त्यांचा काय स्वार्थ आहे याच्याशी आम्हाला काही देणेघेणे नाही. सीमाप्रश्नावर भाजप चुकीचे राजकारण करत आहे.

नेमके धोरण काय?

थोरात म्हणाले, कर्नाटक व केंद्रात भाजपाचेच सरकार असल्याने केंद्रातून कर्नाटकला काही सुचना येत आहेत का? हे आम्हाला माहित नाही पण हा विषय गंभीर असल्याने आपल्या मुख्यमंत्र्यांनी राज्यातील सर्व पक्षांच्या नेत्यांना बोलावून चर्चा केली पाहिजे. वस्तुस्थिती काय आहे ती आम्हाला सांगितले पाहिजे आणि आपण काय धोरण घेणार आहोत हे सांगितले पाहिजे.

कर्नाटकच्या मुख्यमंत्र्यांनी तोंडाला आवर घालावा - राज ठाकरेंचा इशारा

कर्नाटक - महाराष्ट्र सीमावादावर मनसे अध्यक्ष राज ठाकरेंनी आज एक पत्र ट्विट करीत कर्नाटकचे मुख्यमंत्री बसवराज बोम्मई यांनी तोंडावर आवर घालावा असे म्हणत कान टोचले आहेत. महाराष्ट्राच्या दिशेने येणारी बोटं पिरगाळली जातील हे मुख्यमंत्री आणि उपमुख्यमंत्र्यांनी बघावे असा सूचक इशाराही राज ठाकरे यांनी दिला. येथे वाचा सविस्तर बातमी

मराठीजनांची गळचेपी

थोरात म्हणाले, मराठी बांधवांवर अन्याय होत असताना महाराष्ट्राने त्यांच्या पाठीशी खंबीरपणे उभे राहिले पाहिजे. कर्नाटकमधून जाणीवपूर्वक सीमाभागातील मराठी बांधवांची गळचेपी केली जात आहे. कर्नाटकचे मुख्यमंत्री बसवराज बोम्मई व मंत्री सातत्याने महाराष्ट्र विरोधी विधाने करत आहेत.

कर्नाटकची दंडेलशाही

थोरात म्हणाले, कर्नाटकच्या या दंडेलशाहीविरोधात जनतेत प्रचंड रोष आहे पण महाराष्ट्राचे मुख्यमंत्री स्पष्ट व खंबीर भूमिका घेत नाहीत. हे सर्व पाहता राज्यातील शिंदे-फडणवीस सरकारने सीमा प्रश्न गंभीरपणे घेतला आहे की नाही असा प्रश्न पडतो.

बातम्या आणखी आहेत...