आपल्या शहरातील ताज्या बातम्या आणि ई-पेपर मिळवा मोफत
Install AppADS Free बातम्या वाचण्यासाठी आताच इंस्टॉल करा दिव्य मराठी अॅप
बिहार विधानसभा निवडणुकींचा निकाल नुकताच जाहीर झाला. यामध्ये एनडीएला स्पष्ट बहुमत मिळाले आहे. भाजपाला 74 तर जेडीयूला अवघ्या 43 जागांवर समाधान मानावे लागले. यानिवडणुकीमध्ये काँग्रेस-राजद महाआघाडीकडून तेजस्वी यादव यांनी एकट्याने झुंज दिली होती. तेजस्वी यादव यांच्या नेतृत्वात राजदला 75 जागा मिळाल्या आहेत. तर काँग्रेसला केवळ 19 जागांवर समाधान मानावे लागले. दरम्यान शिवसेनेचेही 22 उमेदवार निवडणुकीच्या रिंगणात होते. त्यांना नोटा’पेक्षाही कमी मते मिळाली.यानंतर आता राज्यातील भाजप नेते आशिष शेलारांनी शिवसेना आणि काँग्रेसवर निशाणा साधला आहे.
'भ्रष्टाचारी काँग्रेससोबत सलगी केलेलेल्या 'जगंलराज का युवराज'ला बिहारच्या जनतेने नाकरले आहे. महाराष्ट्रात पण भ्रष्टाचारी काँग्रेससोबत 'जंगलाचे बेगडी प्रेमी युवराज' युती करुन बसलेत. समजनेवाले को इशारा काफी है,' असे म्हणत शेलारांनी पर्यावरण मंत्री आदित्य ठाकरेंवरही निशाणा साधला आहे.
भ्रष्टाचारी काँग्रेस सोबत सलगी केलेलेल्या "जगंलराज का युवराज" ला बिहारच्या जनतेने नाकरले..
— Adv. Ashish Shelar - ॲड. आशिष शेलार (@ShelarAshish) November 11, 2020
महाराष्ट्रात पण भ्रष्टाचारी काँग्रेस सोबत "जंगलाचे बेगडी प्रेमी युवराज" युती करुन बसलेत.
समजनेवाले को इशारा काफी है
मा.पंतप्रधान नरेंद्र मोदी,
नितीश कुमारजी
आणि देवेंद्रजींचे
अभिनंदन!
तसेच पुढे ते म्हणाले की, 'काँग्रेसने महाराष्ट्रात 'हातात' 'धनुष्यबाण' धरला, त्याचा ठासून फटका बिहारमध्ये बसला. आता महाराष्ट्रातदेखील जनतेच्या 'घड्याळाचे' काय सांगावे टायमिंग…? पंचायत ते पार्लमेंट मॅन ऑफ द मॅच पंतप्रधान नरेंद्र मोदीच! त्यांच्यासह नितीश कुमारजी, देवेंद्रजीं फडणवीस यांचे अभिनंदन,' असे म्हणत आशिष शेलार यांनी विरोधकांवर निशाणा साधला आहे. त्यांनी ट्विटरच्या माध्यमातून त्यांच्यावर निशाणा साधला.
काँगसने महाराष्ट्रात "हातात" "धनुष्यबाण" धरला, त्याचा ठासून फटका बिहारमध्ये बसला...
— Adv. Ashish Shelar - ॲड. आशिष शेलार (@ShelarAshish) November 11, 2020
आता...
महाराष्ट्रात सुध्दा जनतेच्या "घड्याळाचे"
काय सांगावे टायमिंग...?
पंचायत ते पार्लमेंट मॅन ऑफ द मॅच पंतप्रधान नरेंद्र मोदीच!
त्यांच्यासह नितीश कुमारजी, देवेंद्रजीं फडणवीस यांचे अभिनंदन! pic.twitter.com/e0kK3EqfPg
नुकतेच बिहार विधानसभा निवडणुकीचे निकाल जाहीर झाले. शिवसेनेकडून 22 उमेदवार उभे होते, या निवडणुकीत शिवसेनेच्या उमेदवारांना ‘नोटा’पेक्षाही कमी मतदान मिळाले. बिहारमध्ये शिवसेना उमेदवारांचे डिपॉझिट जप्त झाले, 1 टक्केही मतदान शिवसेनेला झालेले नाही.
Copyright © 2020-21 DB Corp ltd., All Rights Reserved
This website follows the DNPA Code of Ethics.